United States President Joe Biden nih cun Kabul Airport tuk asi hnu i White House i bia achim nak ah “Mah bantuk thil a cang mi hi kan philh lai lo i, kan ngaithiam hna lai lo. Kan in kawl hna lai i nan thil tuah man nan hmuh lai” tiah achim.
President Biden nih cun thil acang mi ruangah Afghanistan i a ummi US ralkap hna cu an chuak tuan hlei lai lo tiah a chim i, US ralkap hna cu IS pawl tuk dingin thawng a thanh colh.
Biden nih cun Kabul in American mi hna le midang pawl lak chuah rian cu pehzulh asi lai i, ralhrang pawl nih an kan doh kho lai lo tiah achim. Kabul Airport ah hin US ralkap 3,500 le UK ralkap 1,000 an um rih.
August ni 15 i Taliban nih nawlngeihnak an lak hnu khan Afghanistan civil 1,04,000 hna cu lak chuah an si cang.
Leave a Reply