Unau Phu Thum Hna Nih Ramkhel Ah Tangrualti Dingin Timhcia Kan SI Cang

 Arakan Army (AA), Ta’ang National Liberation Army (TNLA) le Myanmar National Democratic Alliance Army (MNDAA) phufonh nih Kachin Independence Organization/Army (KIO/A) he ramkhel lei siseh,

raltuknak lei siseh rianṭuanṭnak kan ngei cang lai, timh cia kan si tiah a voi 61 nak Kachin dohthlennak ni ah kuatmi conglawmhnak cakuat ah an ṭial. Ramkomh Kawlram chungah namnehnak a tongmi miphun hna hi miphun tlukruannak,

mah tein khuakhan lairelnak, mah tein biakkhiah khawhnak, miphun he pehtlai in kan sunghnak le mah le miphun hna nih kan ngeihmi kan innlo le sui ngun chawva pawl humhminnak caah hriamtlaih in dothlennak kan tuahnak a si tiah thlanglei hriamtlai phufonh a simi (Northern Alliance) nih Kachin miphun dothlennak ni cu

Kachin miphun tluk tein man kan ngeihter tiah cakuat chungah an telh chih.

AA le TNLA cu KIO/A nih hrinmi kan si bantukin KIO/A cu ramkhel lei, raltuknak lei zongah hawikomhmi phu an si i limhang ṭha tein a ngeinmi phu a si.

Kachin ram le Kachin miphun hna cungah lunglawmhnak tampi kan ngei tiah thawng an thanh.

Hi Northern Alliance phu 4 hna cu a hlan lio tein ramkhel lei, raltuknak lei zongah lungrual tein a ṭangṭmi kan si bantukin a tulio ramkhel lei le raltuknak lei zongah ṭangṭi dingin timh cia kan si ko tiah phu thum fonh nih cathanh in an langhter.

Lak nak- The Chinland Post

Relchap, Ralhrang nih Tani Kha khuate Vanlawng In A kah Caah khuami Minung Pa 2 An Nunnak A Liam

=============

Ralhrang ralkap nih raltuknak vanlawngin Tani Kha khuate a kah caah khuami minung pa hnih an nuunak aliam i minung pa 6 hliamhma an tuar tiah theih a si.

SAC ralhrang gralkap nih khuami mipi pawl an um nak inn cu khuate pawl cu vanlawng in akah hna caah khuami minung pa hnih an nuunak aliam i minung pa 6 hliamhma an tuar tiah KNU centre thawngzamh sinin theih a si.

Tuni Feruary ni 5 zinglei tuanah  suimilam pakhat hrawngah khuami, mipi  pawl ani hngelh lio an i dinh caan ah  ralhrang nih vanlawng he KNU  Mutaw pengkomh, Dwe Lo peng Ma Htaw khuate Group asi mi,

Kani kha khuah bomh pahnih a rak tla tiah theih a si. Vanlawng he bomb in a kah hna caah khuami inn cheukhat zong a kang tiah theih a si.

Ref; Delta News Agency