UN Nih Myanmar Kongah Biachiahnak A Tuah Cang

June 18 (US lei), tuni (Friday) ah UN General Assembly meeting pi ah Myanmar kong biakhiahnak an tuah cang tiah theih a si. Cu an biakhiahnak cu vawleicung ram dihlak nih Myanmar ralhrang hna sinah hriamnam zuarh lo ding timi a si. Cu pinah democracy a nun than khawhnak dingah UN halnak an tuah fawn.

UN ah chungtel ram 193 an um i ram 119 nih an lungtling, ram 39 cu karlak ah an um i ram 1, Belarus lawng nih an duh lo.

ASEAN ram hna in Indonesia le Vietnam nih an lungtlin i Thailand, Lao le a dang hna cu karlak ah an um.

Hi biakhiahnak hi kan i lawm tuk ko nain kan duhning in a fak lo, a nem tuk tiah UN i NUG palai U Kyaw Moe Thun nih a chim. Asinain hi biakhiahnak nih ralhrang hna timhmi zeimawzat a kham khawh lai tiah zumh a si.

The Chin Post

Be the first to comment

Leave a Reply

Your email address will not be published.


*