Ukraine Ralbawi Bak Nih A Vun Chim Phuan Ve Cang Hih!!

Uaine Ralkap Nih Russia Cu Modern Hrimnam In Kan kahdoh Lai

May be an image of 1 person and military uniform

Ukraine ram i nichuak lei ram cu Russia kahdohnak a tong cuah mah lio i, Ukraine ralkap hna nih phihkham dingin an izuam nak kong cu ramkhel hlethlai tu hna nih an chim lio ah, kan mah lei nih NATO phu nih record a laak mi hen aa khat mi Modern hriamnam pawl thlen hmanin kan doh lai tiah Ukraine ralkap Ralbawi Valerie Luzani nih a chim.

May be an image of 1 person and military uniform

Ukraine ram hoikom ttha hna nih an kuat mi Soviet Union chan lio i hriamnam pawl cu biatak tein i bochan in, a ruah hlanah an kan kuat mi modern hraimnam pawl cu hmunhimnak ral tuk nak caah an hmanh rih hna lo tiah theih a si. Ralbawi Valerie Luzani cu Poland he pehtalinak an ngei i, Ukraine kahdohnak caah American le Poland cu kahdohnak kong ceihhmainak an ngei tiah theih a si.

May be an image of 1 person and military uniform

Russia nih Ukraine kahdohnak thazaang cu a chamh deuh ko nain aa timh mi a phan kho lai lo tiah ramkhel zohfel tu hna nih an chim. Ukraine ralkap Ralbawi Valerie Luzani nih ” Russia Khadohnak cu modern hraimnam tha pawl hna in kan kahdoh lehrulh lai tiah a chim”.

May be an image of 1 person and military uniform

Relchap, Myanmar Ram Pumpi In May 1, 2022 Nikhat Chung Ah SAC Ralkap 40 An Thi, Myanmar ram pumpi in dohthlennak tuah hnu May 1, 2022 nikhat chung kahdohnak ah SAC ralkap 40 an thi i PDF 2 a nunnak liam, tiah Yangon Khit Thit nih a thanh. Cazin ning ah SAC ralkap a thi mi hi Sagaing ramṭhen Myaung ah 2, Phaungpin ah 15, Khin U ah 6, Mandalay ramṭhen Myin Chain ah 1, Nua Htoo Gyi ah 2, Magwe ramṭhen Pakokku ah 10, Taningtharyi ramṭhen Palaw ah 2, an dihlak 40 an si i, Karenni famkulh Loikaw ah 8 a nung in an tlaih hna. Phaungpin ah PDF 2 an nunnak liam.

May be an image of 1 person and military uniform

Kum Tlinglo Ngakchia 250 Leng Tlaihkhih An Tong! Ramkhel lei thongtla tawlreltu phu AAPP le NUG Ministry of Women, Youths and Children Affairs nih a khomhsuat khawh tawk cazin ning ah, SAC ralkap nih nawlngeihnak an laak thok in April thla dih tiang ah kumtling lo ngakchia 250 leng tlaih an tong, tiah theih a si. CDM cawlcanghnak a tuahtu le NLD party chungtel hna lengah ramkhel lei cawlcanghnak a tuahtu hna cu SAC ralkap nih an tlaih khawh hna lo caah, an chungkhar le an fa le hna cu ralphaw ah an tlaih hna.

“Ka fa le ka nupi nih zei sualnak hmanh an tuah lo caah kan thlahpiak hna seh ti ka duh, keimah zong nih zeihmanh ka tuah lo caah zei sualnak ka ngei lo. Atu ah cun ramchung huap in sualnak tuah lo zong ah lunghrinh in an tlaih hna, keimah ka fa lawng siloin tlaihkhih a tong mi ngakchia dihlak caah ka thin a phang, an dihlak in luatnak hmu hram hna seh law ti ka duh,” tiah Ayarwady ramṭhen Ngapuhtaw (ငပုတော) peng NLD palai That Pai Soe nih a chim. U That Pai Soe cu SAC nih an tlaih khawh lo caah thla 10 tluk lawng si mi ngakchia, a nupi le kum 13 tluk si mi ngakchia telh in minung 6 cu SAC ralkap nih April 23 chunhnu Ngapuhtaw (ငပုတော) peng Kanginchawng(ကညင်ချောင်) khua ah an tlaih hna.

April 5 ah Yangon ramṭhen Alung (အလုံ) peng tualleng sianginn ah ngakchia kum 3 tluk si mi Mawng Tank Bung Wai Yan cu SAC ralkap nih an tlaih, a nu Daw Tirih Wai cu ‘titoih puai tuahnak ah puahkehnak a chuahtertu le ralhrang hna he pehtlaihnak nan tuah’ tiah an puh caah kan tlaih, tiah SAC ralkap nih cathanh an chuah nain ngakchia an tlaihnak kong he pehtlai in cathanh chuah mi a um lo. Daw Tirih Wai kong he pehtlai in SAC ralkap uk duh lo langhternak a tuahtu hna konglam theih duh ah, ngakchia kum 3 tluk lawng si mi cu an tlaih chih, tiah a chungkhar he naihniam in a um mi pakhat nih a chim.

SAC ralkap hna tuahsernak vialte cu ngakchia le nuhrin covo lei phunghram dohkhalh in sualnak a si, tiah NUG Ministry of Women, Youths and Children Affairs Minister Naw Susana Hlah Hlah Soe nih a chim. NUG cozah nih ramchung ngakchia hna ton mi thil sining dihlak cu UN le ramkip ngakchia lei he aa pehtlai mi phu kip sin ah theihternak kan tuah peng, tiah a chim. Kumtling lo a thla lawng si rih mi ngakchia le sianginn kai ding ngakchia hna SAC ralkap nih an tlaih mi hna hi Myanmar dohthlennak tuanbia ah a rak um bal lo mi a si, tiah u-pa-di lei thiamsang pakhat nih a chim.

Be the first to comment

Leave a Reply

Your email address will not be published.


*