Ukraine President Zelensky Nih Daihnak Kan Hmun Than Lai
Ukraine President Zelensky nih” daihnak kan hmuh tthan lai, daihnak cu kan mah sinah a kan peek than lai i, kan mah kut ah a phan tthan lai. Ukraine ram nih teihnak a hmuh nak cu vawlei cungpi ah a um mi, mi kip caah a zami, aa tlak mi a si lai i, Mikip caah hnawhnawh buainak, zumh lo awk a um lo mi teinak a si lai.
Khi tikah ramkhel le chawlehnak cu pahnih in Vawleicung ram pumpi upadi nih a zulh lai i, an mah pumpak in lunhtlinh mi min thut mi pawl cu a cohlang rih lomi nih zofel a si te lai. Ukarine cu thlahra chung kahdohnak a ton hnu ah Russia a cohlang mi vawleicung ram thawng bomhnak peek nak ah,
Ukraine kong tonbiaruah ceihhmainak nih kan mah i, kan ram, Europe ram le zalonnak a hmu mi vawleicung pi teinak hmuhnak dingah lam cungah a um mi nih tettee an kan hmuh ter kho. Kan ram cu tlamtling tein zohkhen khawhnak cu pehzulh in kan sinah a um tthan ko lai. Kan nih cu lungin sakmi in pakhat ah kan um. Vawleicungpi ram le mipi hna nih a kan doh tu cu sungh dingah thazang an kan peek i, an kan cohlan.” tiah a chim.
Relchap, Pago ramtthen, Taungyu pengkomh, Thantapin(ထန်းတပင်) peng Zayatgyi (ဇရပ်ကြီး) khua palek uk bawi Myo Win Thun @ Bo Ping(ဗိုလ်ပိန်) cu nihin May 5 zing Sml 10 tluk ah lakphak dawr a thut lio ah mizei ti hngalh lomi hriamtlai pawl nih an kahthah tiah thawng theih a si. “Lakphak dawr ah zuun 6 in an kah, Hi ka ah hi a hlan ah a rak ttuan bal i a tu a rat thannak kumkhat fai lawng a si rih. Zei bantuk phu nih an kah cu theih a si lo, Palek le ralkap an rak phan colh i lam vialte an phih dih, CCTV zong an chek, tiah tualchung mi pakhat nih Yangon Khit Thit media ah a chim.
Palek bawi Myo Win Thun nih hin dohthlennak he aa pehtlai lo mi mino 6 a ruang um lo piin a tlaih hna tiah theih a si. Sakhan hmu(စခန်းမှူး) Bo Ping kahthah a ton hnu ah palek le ralkap pawl nih Zayatgyi khua chung ah meithal puah pah in an rak lut i chek hlatnak an tuah caah khuami mino pa pawl cu a zaam hna tiah theih a si.” Ralkap pawl an phan i meithal an puah thawng a thang taktak, a tu ah cun khuachung a king tuk. Ning ttih a hruai, ruah lo piin tlaih an si nak hnga lo mino pa pawl cu a zaam dih,” tiah tualchung mi nih a chim chap.
Pathian Cu Minung Bantuk A Si Caah Minung He Um Ṭi Peng A Duh. Vai A Kal Lai Te Ah Nan Sinah Caandongh Tiang Ka Um Pi Ko Lai A Ti. Cun Ka Kal Lai I Nan Caah Hmun Ka Timh Dih In Ka Kir Lai I Ka Sinah Kan Laak Hna Lai I Ka Umnak Ah Nannih Zong Nan Um Ve Lai A Ti., Pathian hi minung bantuk in mi a chawn i hmai a ngeimi a si. Asi nain a aw cu an rak theih peng nain a hmai cu hmuhkhawh a rak si lo. Exodus 33:20.
“Aw” a um ahcun a pum zong a um hrimhrim lai tinak a si i, hmai zong cu pum loin a um thiam lo. Isaiah 12:4 ah hin zeitindah kan hmuh ti ahcun, Ni khatkhat cu mi nih tihin hla an sak ni a phan te lai. Bawipa cu thangṭhat ko u timi kha a ti. Cucaah tihin hla cu kan sak taktak Jesuh min kha thangṭhat ko u, van mi nih an thangṭhat fawn sunparnak kha va pe ulaw Bawibik cu chinhter u timi hla 149 no. hi kan sak taktak cang. Hihi Sam 8:1.9 zohchih in phuahmi a si.
Isaiah 12: 6 Zion i a ummi paohpaoh cu au ulaw hla sa u. Israel Pathian thiang cu a lianngan i a mi hna sinah khua a rung sa a ti fawn. Hodah ami hna sinah khua a sami cu a si? tikha a tanglei ah a langte lai khah. Pathian Nih Minung Lungthin Bantuk A Neihnak Cu Hihi A Si. Zohhmanh: Ngaihchiat le ngaihchih a hmang ve. Genesis 7:6. Nahchuah a hmang Exodus 20:5 Thinhun a hmang. Sam 78:21.Isaiah 63:5.
Thinphawh a hmang Ezekiel 16:30 Dawtmi a nei i huatmi zong a nei ve. Esau kha a huat, Jakob cu a dawt. Malakhi 1:3. le Rom 9:13
Dantat a hmang Sam 89:32. Ngaihtiam zong a hmang. 2 chanrelnak 7:14. Matthai 9:2. Minung bantuk in lomh a hmang Isaiah 66:2.
Minung bantuk in puan aih a hmang Isaiah 63:1. Matthai 9:21. Biathlam 19:13. Minung hlikhlek te a lo ko hih. Minung bantuk a si dih lonak zong cu a um fawn a zaw bal lo i Sibawi sinah a kal bal lo.. Cun ṭhatlonak a tuah bal lo.Isaiah 52:9.
Sualnak zeihmanh a tuah bal lo lih a chim bal fawn lo.1 Piter 2:22 Zeicatiah sualnak, ṭhatlonak le lih nih a uk khawh lomi a si i zawtnak zong nih a tei khawhlo mi a si. Amahtu hi mizaw damtertu le misual a ngaithiam khotu a si. Israel Pathian thiang cu a lianngan i ami hna sinah khua a rung tiah profet nih a rak chim bantuk khan, Hlan lio i a hmai hmuh khawh a rak si lomi Pathian kha- A hmai hmuh khawhmi ah a hun i cang.
Johan 1:2 Bia cu Pathian sinah a um a ti. Bia cu Pathian a si. 14 Bia cu minung ah a cang i kan lakah khua a rung sa a ti.
Amin ah JESUH a si. Luka 2:21. Filipi 2: 7 Amah lungthote in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang. Pathian cu dawtnak a si ti si. 1 Johan 4:16. Dawtnak ruangah Vancung in ngaihchiat ram vawlei ah a rat ruangah ṭah zong a hmang. Johan 11:35.
Rawl ṭaamnak hmun vawlei ah rat ruangah rawlṭaam a hmang Matthai 4:2 Dangcarnak hmun vawlei ah a rat caah a ti a hal ve. Johan 19:28. B.C lio ahcun “Bia” le “Aw” lawng in minung cu a rak pehtlaih hna. Sihmanhsehlaw A.D kum cun “Bia” le “Aw” lawngin si ti loin a hmai le pum hrimhrim khan minung hna cu a kan biak chonh cang. Minung bantuk a si caah minung he um peng a duh. Van a kai lai ah a zungzal in nan sihah a ka um lai a ti. Matthai 28:20. Ka va kal lai i nan caah hmun ka timh dih in ka rak kir ṭhan lai ka sinah kan lak hna lai i ka umnak ah nannih zong nan um ve lai a ti fawn Johan 14:13. Amen!.
Leave a Reply