American nih tuah mi , Dungci kahnak system pawl ci Kiev kuat ding timi a kuat lo caah Washington cungah Ukraine cozah nawl ngeitu pawl an lung a rawk nak kong cu Politico media cu copy laak in Russian Today website nih a langhter. Min langhter a si lomi minung pathum hna nih an chim phuan mi cu Policito media nih a langhter i, American nih sermi Dungci kah khawhnak system (MLRS) cu Kiev nih a halmi cu The White House nih a kuat lonak kong zong a langhter chih.
Biden cozah i, min langhter a si lo mi pakhat nih ” Washiongton le Kiev hna cu (MLRS) he pehtlaiin lungtho ngaiin ceihmainak an ngeihnak kong.” cu Politico ah a chimphuan ko nain hriamnam pawl cu fai le bai in kuat khawh a si lo nak kong zong a chim chih. Nichuah lei Europe hoikom hna nih ikom bomhnak peek miKiev Dungci tampi cu kuat dingah American caah harnak a um lo nain Russia ram chungah a um mi,
Hmiuhtinh pawl kahkhawh nak Tower kahnak dungci kuatnak timi cu American nih a kham nak kong cu Politico nih a langhter tiah theih a si. Ukiraine president Zelensky nih a ram caah a herh bik mi hraimnam pawl cu M142 HIMARS le M270 MLRS le a dang hraimnam dungci kahkhawhnak system pawl zong aa tel chih htiah theih a si.
Relchap,Yangon ramṭhen, Thanlin Bo Naga Guerrilla phu in ṭuanvo ngeitu Ko Buti le Guerrilla phu chungtel a hawile 4 cu tlaih an tong, tiah theih a si. May 18 zan ah Thanlin Bo Naga Guerrilla phu in ṭuanvo ngeitu Ko Buti cu, Hlaing Thar Ya ah SAC ralkap nih khual cazin an chek lioah an tlaih. An tlaih hlan zarh ah Buti a nupi le a pi zong SAC ralkap nih an rak tlaih hna, tiah theih a si.
Thanlin Bo Naga Guerilla phu in ṭuanvo ngeitu Ko Buti an tlaih a thaizing zan ah chungtel 4 a hawile zong hriamnam he an tlaih ve hna, tiah theih a si. “Thanlin Bo Naga Guerrilla phu in ṭuanvo ngeitu Ko Buti an tlaih dih in a hawile 4 cu Tamadi lam ah kut cheh bomb lung 9, Pistol zun 3 le kuan 96 he an tlaih hna. Anmah he aa pehtlai mi paoh cu ralring tein nan um a hau,” tiah Thanlin thawngzamhnak nih an langhter.
Sagaing ramṭhen, Kani peng Natkyi(နတ်ကြီး), Wyatha Wya(ရွာသာရွာ) le Watchaung khua hna ah SAC ralkap cu May 19 ah an lut i, inn 200 leng a khangh, tiah tualchung mi hna nih an chim. SAC ralkap pawl cu May 19 zing ah Watkyi khua an khangh i, Wyatha Wya le Watchaung khua hna cu chun hnu sml 1:30 hrawng ah an khangh, tiah theih a si. “SAC ralkap pawl nih May 19 ah an khangh. Natkyi khua cu a voi hnihnak mei in an khangh, Wyatha Wya le Watchaung khua zong an khangh.
Chindwin tiva thluan cu venhimnak kan tuah tiah an ti i, khua khat hnu khua khat mei in an khangh. Tualchung mi cu a thimi le aa hliammi kan um lo, SAC ralkap pawl an rak phanh hlan ah kan zam dih,” tiah tualchung mi pakhat nih a chim. Yesagyo peng Yelay Hkyun(ရေလယ်ကျွန်း) ah May 7 in 18 tiang, khuate 17 chung ah mizapi inn 163 cu SAC ralkap nih an khangh, tiah Yelay Hkyun PDF sin in theih a si. Shwehlan khua telh in khuate 17 cu SAC ralkap nih an khangh caah inn 163 a ciam, tiah Yelay Hkyun PDF nih cathanh an chuah.
Leave a Reply