Ukraine nih European Union (EU) member i a luh khawhnak ding ah biahalnak tuah mi, Questionnaire cu President Zelenskyy nih a leh(phit) dih cang, tiah President Volodymyr Zelenskyy office i deputy head Ihor Zhovkva nih a chim. European Commission president Ursula Von Der Leyen cu a luancia April 7 ah khan Ukraine ah a tlawng i, hi lio tan ah hin President Zelenskyy sinah EU luh khawhnak ding biahalnak (Questionnaire) cu a rak pek i, Russia he an i tukdohnak boruak ah Ukraine cu EU member an si zau khawh nakhnga bawmh aa zuam lai kong a chim.

Ukraine nih cun zarhpi nih ah khan EU luhnak ding i a herh mi documents vialte cu a tlantling dih cang, tiah Ukrainian media hna sinah Zhovkva nih a thanh. European Commission hna nih cun an bialehnak ca le document cu an rak zoh hmasa lai i, an pom hnu ah EU member an si kho te lai i, “Thawngpang ṭha kan theih te ṭheo lai tiah ruahchannak ka ngei,” tiah Zhovkva nih cun a chim. A ra lai mi June 23-24 ah European Council cu tonpumhnak ngei ding an si i, cu thlachung hrimhrim ah cun Ukraine cu European Union member a si hrim lai ruahchannak kan ngei tiah a chim.

Sagaing ramtthen, Kalay ah ummi SAC ralkap zung in cazi pa pakhat (sen thum) cu a nupi he Civic Defense Militia- Siyin a pehtlaih hna i mipi sin ah fonh tiah theih a si. ” CDF(CDM-Siyin) sin ah CDM a tuah mi pa hi sen thuma si i SAC zung ah cazi tlaitu asi, a tu cu a himnak hmun a phan cang,” tiah CDM-Siyin nih an thanh. CDM-Siyin a pehtlai i mipi lei ah a ttang mi SAC ralkap 20 an um cang tiah theih a si i ram pumpi in CDM a tuah mi 10,000 hrawng a si cang tiah NUG nih a thanh fawn.

Myanmar Ram Pumpi In April 18, Nikhat Chung Ah SAC Ralkap 38 AnThi Myanmar ram pumpi in dohthlennak tuah hnu April 18, nikhat chung kahdohnak ah SAC ralkap 38 an thi i CDM a tuah mi zong an um. PDF 1 a nunnak liam tiah Yangon Khit Thit nih a thanh. Cazin ning ah SAC ralkap a thi mi hi Karenni ramkulh Pharuso ah 1, Sagaing ramthen Tamu ah 4, Pale peng ah 4, Chaung U ah 8, Minkin ah 5, Magway ramthen Thilin ah 3, Pago ramthen Asihlaypin(အရှေ့လယ်ပင်) khua ah 13, an dih lak 38 an si. Thi lin ah palik 20 PDF sin ah an i ap, Chin ramkulh ah SAC ralkap pakhat CDM a tuah. Chin ramkulh ah Chin ralkap pakhat a nunnak liam.