Moscow He A Tlingmi Daihnak Tonbiaruahnak Tuah Dingah A Caan Cuu Cang Tiah Ukraine President Zelensky Nih A Chim
Russia nih Ukraine a kahdoh cuah mah lio a si i, Ukraine kong ceihhmainak pawl dinhter a si tiah Putin nih a chim ko nain President Zelensky nih a tlingmi remsernak tuah dingah acaan a phak cang nak kong cu a chim. Tu lio ah Russia i Yinaan le vawleitang thil chuak pawl cawknak dinhter dingah India cu American nih a ti ko nain India nih ka cawk rih ko lai tiah a chim.
Russia he atlingmi daihnak tonbiaruahnak tuah ding a caan a a cuu cang i, ceihhmainak tuah a si lo ah cun kahdohnak chungah sungzatlak nak tonter dingin kaa zuam ko lai tiah Zelensky nih a chim. Zelenksy lei in daihnak tonbiaruahnak pawl caah,
Lam a on zungzal ko i, daihnak himnak he pehtlaih mi atlingmi theihthiamnak ceihhmainak ngeih ding kong cu zungzal in a herh mi a si tiah Zelensky nih a chim. Russia nih Ukraine cu thazaang dihlak chuah in a doh ko nain Ukriane ram i abiapi bik mi khuapi pawl cu,
Ukraine kut chungah a um rih ko nak kong, ral hmai zapi ti awkin Russia ralkap an dirnak kong cu Britain ralkap lei in Spy nih a chim. Ukraine hartong 3million leng an si cang i, Russia i raltuknak hriamnam sungzatlak nak he mah kahdohnak i mah hnu thlahnih a dih hnu ah a dih cang lai tiin a chim mi zong an um.
Evan Tluang Lian: Bawipa nih Kawlram Ahneksak Mi Caan Adih Dengmang Cang
HNEKSAK CAAN A DIH DEUH RIH LO- BAWIPA PATHIAN nih Myanmar ram pumpi caah, hneksaknak kum caan a chiah i aho hmanh nih țhial khawh a si lo. Myanmar ram pumpi caah hneksaknak kum caan a chiahmi cu kum thum a si i 2020 in aa thok cang. Tu kum, 2022 hi a kumthumnak a si i hneksaknak caan hi a dih deuh rih lo!
Asinain, 2020 le 2021 bantukin ei chuak lo kum cu kan si ti lai lo. Kum hramthok i ka rak langhter cang bantukin, Thawngțhachimnak zong tlawmte a hun i hung deuh cang! Kan hawi le cheukhat hna zong Crusade an tuah kho pah cang hna! BAWIPA biakam cu lungsauin kan hngah awk a si. BAWIPA biakam kan hngah lio ahhin, BAWIPA HMAI ah toidor te le ralring tein kan um i thla kan cam zungzal awk a si. BAWIPA Vel le Daihnak nan cungah um ko seh.
KHRIH sal Tluang Lian (Martar)
Leave a Reply