US raltuknak vanlawng tha taktak mi Mi-17 cu President Biden nih Ukraine ah a kuat taktak cang. Tutan ah US nih Ukraine a kuatmi hriamnam hi S-300 launchers, 155 mm howitzers, long-range artillery, le Soviet-designed Mi-17 helicopters an si tiah Pentagon United States Department of Defence nih a chim. Atu tiangah Poland nih Russia ser raltuknak vanlawng MiG-29 cu Ukraine ka kuat lai tiah a timi belte cu US nih hnatlaknak a tuah piak arih lo. Tutan ah US nih Ukraine a kuatmi hi Ukraine khualipi Kyiv runvennak caah a si tiah The Pentagon spokesperson John Kirby nih achim.
Kan vawleicung thawngpang ngai hi aw, vawleicung hi mah le zawnruahnak lawngte a si ko, Sweden Finland nih Wednesday ah hin NATO Alliance pehtlaihnak form ap ding in timtuahnak an ngei, Natein Turkey nih Sweden Parliament member ah Kurdish PPK pawl an nih tel ve tiin Sweden le finland cu NATO Alliance si ding a cohlan lo. Sweden nih Turkey ah palai an kalter, cabuai ah atu an buainak hi tawrel kho ding in zumank an ngei, Natein, Erdagon nih cun Turkey Parliament lei ah Opposition pawl a ngam lo tiin phisingnak a tuah. Bloomberg reports nih a langter ning ahcun, Turkey nih Sweden & Finland’s NATO memberships an ngei ahcun US nih Turkey F-35 programs in an hlawn cang mi cu cohlan than ding in le Turkey nih Russia S-400 a cawk ruangah Washington nih sanctions in ceilak in dan an tat mi cu nan dawngter lai tiah US cu a tlerh ve cang.
Mah bantuk in Turkey nih lam a kawl caah US nih zeitin a leh lai tiah zoh a si cang. Turkey president hi pasal bak si ve ko hi, a thluak hi a tha ngai ko tiah mi tampi nih an thangthat ngai than. Cre-RTK Kawlram thawngpang….US khualipi Washington D.C a phan mi NUG Foreign Minister Zin Mar Aung cu US cozah ah Myanmar ram kong a tawlreltu Congressman pawl he nizan May 17 ah tonnak an ngei, tiah theih a si. Myanmar Democracy a dirpi pengtu American Congressman Mitch McConnell, Jeff Merkley le Edward Markey hna he NUG foreign Minister Zin Mar Aung cu American Hluttaw inn pi an tonnak an ngei. SAC ralkap nih Myanmar ram mi duhnak zei rel loin thil a tuah mi kan cohlang lo. Myanmar ram Democracy hmuh ṭhan ding ah American le Vawleicung ramkip nih an dirpinak cu,
a fek fuan mi a si zungzal a herhnak kong an ceih mi cu Mitch McConnell nih social media ah a taar. Jeff Merkley le Edward Markey hna he an i ton lio ah a biapi in SAC ralkap tangka luhnak a si mi, zinan le natural gas(MOGE) hi phih piak ding in Zin Mar Aung nih a hal hna, tiah theih a si. Zin Mar Aung cu a luancia May thla zarh hnihnak ah American khualipi Washington D.C ah ASEAN palai hna le US ram hruaitu hna tong ding in a phan. Cre-TCP
Karen ramkulh, Myawaddy peng thlanglei Thailand-Myanmar ramri kam ah a um mi SAC ralkap Tebawbu camp cu, May 17 zaan in KNLA ṭangṭi phu hna nih an kah caah May 18 zanlei ah an laak khawh. SAC ralkap a tlawm bik 10 an thi i a nung in 4 an tlaih hna. Hriamnam le zen-kuan zong KNLA nih an chuh hna, tiah theih a si. KNLA nih camp an laak lio ah SAC ralkap Jet Fighter 2, Helicopter 2 le CH 3 Drone 1 in voi 20 hrawng an kah hna. Camp laak khawh lo dingin an runven ko nain a thi mi an tam caah an camp cu an zamtaak. Cu kahdohnak ah cun KNLA ṭangrual phu lei in 1 a thi ve. Kaphnih a thi mi cazin le hriamnam an chuhmi hna cu KNLA nih thanhnak an tuah te lai, tiah theih a si. KNLA, KNDO, PDF ṭangrual phu nih SAC ralkap camp an laakmi cu Myawaddy-Laykekaw-Phalu-Tebawbu–Walaymyang motor lampi kam ah a ummi a si.
Tebawbu camp cu SAC ralkap nih 1990 kum lioah an rak laak. Kum 32 a rauh hnuah KNLA le ṭangrual phu hna nih an laak khawh ṭhan. Myintkyina Le Bamaw University Ah A Kaimi 1000 Leng An Si: SAC ralkap nih an hunmi Kachin ramkulh, Myintkyina University ah a kaimi siangngakchia an um. A kaimi siangngakchia hi minung 500 hrawng an si,” tiah Myintkyina Student`s Union in ṭuanvo ngeitu pakhat nih a chim. Myintkyina University cu SAC ralkap kuttang rianṭuan University saya/sayamah hna nih, May 12 ah an hun. Bamaw University zong May 12 ah an hun i a kaimi siangngakchia hi 700 hrawng an si, tiah theih a si. Cre-TCP
SAC Ralhrang Nih CDM Pawl Fonhtomnak Cathanh A Chuah., Sianghngakchia hna nih thiamnak tling an co khawhnak hnga ding caah cachimhthiam Saya/ma pawl an herh caah CDM a tuah mi sianginn cachim hna nih khua fak piin ruah in sianginn hun than caan ah an mah le rian vuanthan rian an tlaih khawh tthan nak hnga ding caah tiah SAC ralhrang nih a forhfial hna.
Cun ruangah tlerhkhawnnak ton ah siseh, Dai tein lamzawhnak ah itel ruangah siseh, Tihphannak ngeih ruangah siseh, an rian in aa phuah cangmi Saya/ma pawl, Vuanthan rianin dantat nak a tong mi saya/ ma pawl lei in le Mipi hraimtlai mino pawl caah, zawn ruahnak bomchantu si ah fimcawm cachumhnak rian hi a thar in tuan tthan dingah a donghnak bik tuanvo rian a tlai mi,
ကျောင်းရှိရာ မြို့နယ်ပညာရေးမှူးရုံ ah siseh, a tu an umnak hmun in မြို့နယ်ပညာရေးမှူးရုံး sinah tuthla May thla ni 31 a dih hlanah hmathlak mi ning pungsan in phitin အယူခံလွှာ cu tinpiah khawh a si tiah theihternak a tuah. A tua bantukin ifonhtom sawmnak cungah CDM a tuah mi Primary sianginn sayamah pakhat nih,
” CDM tuahnak hi kum khat a si cang. A tu ah cun kan lut tthan ti lai lo. An luhthan hnu ah an tlaih hna timi kan theih than ruangah hngakchia pawl caah cun thinlung a nuam lo ngai ngai.” tiah a chim. A tu fimnak a cawng hnga ding sianghngakchia pawl caah fimnak tling ngeih i,
Saya, salttha he aa khat in fimcawnnak siter dingah hmuhton theihhngal a ngei cia mi Saya/ma, sainghngachia nih an herh ti zongin cathanh chuah nak ah SAC ralhrang nih an langhter chih.
Leave a Reply