Britain Nih Ukraine Cu Hriamnam Bomnak Peek Tthan Dingin Biakam A Peek
Electronics raltuknak hriamnam , Battery in hman mi raltuknak hriamnam telin Ukraine cu U.S dollar 375 Million man ci bomhnak peek tthan ding ah Britain cozah nih biakam peek in theihternak a tuah cang tiah theih a si. Ukraine ram cu Russia nih a kahdoh kaa in a tu tiang ah Britain nih Tanks kahnak dungci 5000 leng, Cung lei humhimnak hriamnam pa 5 telin a dangdang hriamnam pawl zong a bomh cang tiah theih a si.
Russia nih Ukraine kahdohnak ruangah Ukraine mi tamtuk an nunnak a liam cang tiah theih a si. Tuan deuh khan Ukrauinre cu American nih US dollar 3 billion a peek cang i, a tu zongah 20 billion man bomhnak peek chap dingin Biden nih timhlamhnak a ngei tiah theih a si.
NATO phu chungtel ram hna nih Ukraine ram cu hriamnam bomhnak a peek lengmang caah Russia nih duhlohnak a langhter tiah theih a si. Ram dang hna cu ral a duh mi, hinak in kau deuh in thawh seh tiah a duh mi, hi buainak hi kau deuh in tho seh tiah nan duh tiin Russia nih nitlak lei ram hna cu a ti hna tiah theih a si.
Relchap, Tedim Peng Laitui Khuami Pakhat Bomb Lamhsual Ruang Ah A Thi, Chin ramkulh chaklei Tedim peng Laitui khua Linṭan tlang pawng ah May 2 ah Laitui khuami pahnih cu, bomb lamh sual ruangah Pu Thang Lian cu a thi i, a hawipa cu hliamhma a pu, tiah tualchung mi nih an chim. Pu Thang Lian le Pu Suan Lian cu Sia tlaumi an kawlnak ah hiti bomb an i lamh sual hi a si, Pu Thang Lian cu a thi colh. Pu Suan Lian cu hliamhma fak ngai a tuar caah Mizoram ah thlop dingin an kalpi, tiah tualchung mi nih an chim.
Laitui khua kam Linṭan tlang pawng ah SAC ralkap nih chek gate an rak tuah i CNF he kahdohnak a rak fah ngainak hmun a si. Vawlei chung ah bomb an phumnak hmun zong a si, tiah an chimchap. May 1 lio zong ah Falam, Rih lam kam ah tualchung mi mino pakhat cu bomb lamh sual ruang ah fak ngai in a rak i hliam cang. April thla chung ah Linṭan tlang kam ah Sia pakhat zong bomb nih a rak puah i a thi.
SAC ralkap nih hramhram uknak an lak hnu in Chinram chung ah, tualchung mi 9 bomb lamh sual ruang ah an thi, 19 nih hliam an tuar, tiah theih a si.
Leave a Reply