Ukraine Caah Thawngpang Tha Ngaingai Russia Sinin Theih A Si, Ukraine Kahdohnak Caah Hriamnam Serchuahtu Pakhat A Nunnak A Liam!
==================================
Russia president Putin i hriamnam muisam thiamsang a ngei mi pakhat cu lungzawrnak a ngeih caah sizungah an kal pi i sii an thlop cuahmah lio ah khuaruahhar taktak in a thi tiah theih a si. Dmitry Konoplev Kum 46 cu Ukraine kahdohnak hman mi Pantsir dungci pawl sermi hriamnam hmanthlak muisam a suai tu a si tiah theih a si.
A hrauimi zung pawl hi Russia ralkap nih an hman mi hriamnam fonh 150 hrawng serchuahnak zung pawl an si tiah theih a si. A tihnung tuk mi lungzawrnak a ngeih hnu ah a nunnak a liam hi a si i doctor hna nih a thihnak a ruang cu an chim phuan lawng tiah tualchung thawng nih a tial.
Dmitry cu Moscow khuapi ah a um mi a sang bikmi siizung ah an kal pi ii oxygen an dop ter nih thinlung zawtnak ruangah a nunnak a liam tiah thawngpang a leng. Siizung ah lungzawrnak, thinphan launak le zaan ih nuamh lonak kham khotu sii in an tlop tiah theih a si.
Hriamnam ngan system pawl, Dungci pawl, Tank pawl serchuahtu Dmitry a thihnak kong he pehtlaiin phung ningin theihter mi le langhter mi a si rih lo nain Russia ram i hraimnam serchuahtu in nawl ngeitu hna nih humhimnak leiin bochan tuk mi le an kan bochantu a si tiah an chim.
Sihhmuh Khua Le Thangzang Thar Hna Nih CDF-Thantlang Mehhang An Ṭhenh Hna, July 22, 2022 ahkhan Sihhmuh khua le Thangzang thar Pastor hna tawlrelnak in Sihhmuh khuami hna le Thangzang khuami hna nih an thawhkhawm mi mehhang; Songkhoi 5 le Ar 5 cu CDF-Thantlang Battalion-4, Thantlang um mi ralkap hna ca ah anmah pumpak nih an va pek hna i, thlacam piaknak zong an ngei kho, tiah theih a si. Tawlreltu Pastor hna nih cun mizapi ralkap ca i pechantu dihlak cungah lunglawmhnak bia an chim.
Mandalay Ah Sui Dawr Pakhat Cu Misual Nih An Luhhnawh I, Ks Sing 2000 Man Hrawng An Zaampi!! Mandalay, Pyigyitagun(ပြည်ကြီးတံခွန်) peng i sui dawr pakhat cu misual nih an luhhnawh i phaisa Ks Sing 2000 man hrawng sui an i kalpi, tiah theih a si. Nihin July, 24 chunhnu suimulam 2:00 hrawng ah Pyigyitagun(ပြည်ကြီးတံခွန်) peng no.125 lam ah a um mi Maw Tit sui dawr cu mifir nih an luhhnawh, tiah tualchung mi nih an chim.
Sui dawr ah cun cycle pakhat in a kal mi minung 2 an lut i, meithal voi 3 an puah hnu ah dawrchung ummi cu an tlerhkhonh hna. Cu hnu ah an sui cu an chuh hna. Sui dawr i rianṭuanṭu pakhat cu a kee ah kuan hliam a pu, tiah theih a si. Hi thil a cannak hmun ah SAC ralkap hna cu phan zau in, lam an phih i, chekhlatnak an tuah, tiah tualchung mi nih an chim.
Tayat Chaung Peng Thlahnih Chung Kahdohnak Ah SAC Ralkap 50 Leng An Thi, PDF 7 Nunnak A Liam!: Tanintharyi ramṭhen, Tayat Chaung (သရက်ချောင်း) peng le Dawai(ထားဝယ်) peng ah SAC ralkap, BGF hna le tualchung hriamtlai phu hna cu June thla le July thla (thlahnih) chung an i kap i, kahdohnak ah SAC ralkap 52 an thih lengah hliamhma tuar zong an tam ngai, tiah theih a si.
Thlahnih chung kahdohnak ah PDF lei in minung 7 nunnak a liam lengah tualchung mi pakhat zong a nunnak a liam ve, tiah Daung Min(ဒေါင်းမင်း) TYC-PDF nih cathanh an chuah. A luancia July 15 ahkhan Ṭaung Pyauk(တောင်ပျောက်) khua ah SAC ralkap le BGF phufonh le Kasaedo(ကစယ်ဒို) KPDF kar kahdohnak a rak chuak i, cu kahdohnak ah cun SAC ralkap hriamthil zeimawzat kan laak, tiah Kasaedo(ကစယ်ဒိုကျား) PDF nih an thanh.
Monkeypox Zawtnak Kong Ah WHO Nih Ralrin Peknak Thawng A Thanh: Monkeypox zawtnak cu vawleicung ngandamnak kong ah ṭih a nung mi le Emergency in zohkhenh a herhmi dirhmun a si, tiah vawleicung ngandamnak zohkhentu World Health Organization (WHO) nih a thanh. Vawleicung ramkip ah Monkeypox zawtnak i chawnhning cu a karh tuk caah WHO cu emergency in voihnih tiang an ṭhu i atu bantuk in ralrin peknak thawng an hun thanh.
Atu tiang ah Monkeypox zawtnak cu ram 75 ah hmuh a si cang i, cu zawtnak aa chawnhmi cu minung 16,000 leng tiang an phan cang, tiah WHO lutlai(director general) Dr Tedros Adhanom Ghebreyesus nih a chim. Monkeypox zawtnak ruangah nunnak liammi cu 5 tiang an phan cang. “Monkeypox zawtnak cu vawleipi ca ah ṭihnung mi zawtnak a si” tiah emergency thawngthanhnak a rak um hlan ah ngandamnak lei kongah (health)emergency in thawng thanhnak tuahmi zawtnak cu Covid-19 le Polio(ပိုလီယို) zawtnak lawng an rak si.
Monkeypox zawtnak ‘Health Emergency’ ah thanhnak kong he pehtlai in, Emergency committee ah zapi lungtlinnak cu a um lo nain, cu zawtnak cu ramkip ah rang ngai in a karh cang caah atu bantuk in biachahnak he thawng thanhnak kan tuah, tiah Dr Tedros Adhanom Ghebreyesus nihcun a chim.
Monkeypox zawtnak i chawnhning kong ah kan theih mi a tlawm tuk rih caah atu ah thawngthanhnak kan tuahmi hi i runvennak sii-ai chuahkhawhnak ding le, cu zawtnak kham khawhnak ding timhtuahnak ah bawmchantu a si lai tiah ruahchannak kan ngei, ti in Dr Tedros Adhanom Ghebreyesus nih cun a chimchap.
Min Aung Hliang Japan Kal Ding In Timhtuahnak A Ngei, Japan prime minister hlun Shinzo Abe ruak humhnak ah rak rat ve ding in SAC hruaitu Min Aung Hliang cu Japan ram nih an sawm i kal aa tiah tiah thawng a thang. ” September 27 ah tuah ding mi Japan prime minister hlun Shinzo Abe ruak humhnak ah Japan nih SAC hruaitu Min Aung Hliang an sawm caah a tlawng kho mi a si,” tiah Human Right Watch(HRW) i Asia ram tuanvo ngeitu Mr.Tapa Kasai nih Twitter in ah a tial.
Japan ram nih an sawm mi cu ram kip nih an hnon a tong mi SAC hruaitu caah Ministry of Planning and Finance ah hlawhtlinak a si tiin zumhning le ruahning karhternak mizapi sin ah chimnak ding((ဝါဒဖြန့်မှု) ah caan țha ah a can ter lai. Ruak humhnak ah cun ramdang in hmaizah awk a tlak mi minung paoh sawm an si lai tiah Japan Cabinet Secretary Hiroka Matsunoka nihnai te ah khan a chim.
Asinain, Janoan cozah nih Russia president Vladimir Putin tu cu ruak hmunhnak ah rat ve a duh hmanh ah sawm a si lai lo tiah Japan newspaper Shinkine ah an langhter mi ning in tial a si. SAC hruaitu cu ramkip nih hnon mi a si lio ah Japan nih tlawn ding in an sawm mi cu a voikhat nak lawng a si ti lo.
Rohingya pawl fak tuk in thah nak kong ah data a latu HNHCR nih record a chuah hnu ah ram kip nih an mawh chiat lio 2019 chung ah prime minister Shinzo Abe a tuan lio ah Japan Ministry of Defense nih SAC hruitu General Min Aung Hliang i an rak sawm bal cang Prime Minnister hlun Shinzo Abe cu tu thla thla hram thok ah Japan ram nitlaklei Naga khuapi ah election caah biachimnak a ngeih lio ah kah thah a tong. A kap tu cu an tlaih colh i tazacuai a si.
Leave a Reply