Laimi kan ral a chiat le a that ti mi theih na duh ah cun , le zei bantuk minung /phun dah kan rak si le CNA/F hi an dirh nak chan asi ti mi hi, ruak tak tak a hau cang. Uk Lian Thang nih a chim mi cu; Mirang pa nih Chin mi cu atu Pathian I a dawttuk hna I a pekmi hna ram te hmanh khi can rau lo te ah an zam tak te rih lai tiah a chim.
Uk Lian thang nih a chim mi hi ruah saksak ah cun a diktuk mi asi. Mirang hrim nih pei laimi kan sining le kan thluak kal ning, kan ral that le chia an rak thei tuk hi. Kawl ram chungah Chin mi hi ral zam a tam bik kan si hrim ko lai tiah ruat nak ka nei. Mah kong hi ka ruah tik ah, ka lung a fak ngai ngai, nan nih zong nan lung a fak ve hrim lai tiah ka ruah. Zei ruang ah dah chin mi hi kan ral a chia tiah cun, Chin mi cu, kan lung a rual lo. Zei ruangah kan lung a rual lo tiah cun, Chin mi cu holh phun le mi phun kan tam tuk ruang ah asi men lai. Chin mi nih kan ral kan tei duh ah cun, lungrual in chin miphun khat kan si tiin dir a hau.
CAN/F an dirhnak a chan cu , ram venghim le ram caah riantuan ding hi a si hrim hrim . Buai nak lian taktak kan tong hlan ah cun, CAN/F nih hin kan ram an veng him kho taktak rua tiah ruahnak tampi kan rak nei ve. Nan ram fakpi in a van buai tkaktak tik ah, CAN/F hna hi khawi ah hme an um tiah mipi nih an hlam tawn hna. A chan cu kan ni bochan hna , bochan awk zong an rak tlak taktak caah asi.
Chin mipi nih kan ram an zam tak lengmang zong hi, khat lei ah cun mawhphurh dih khawh an si lo. A chan cu kan ni bochan i/ kan neih chun mi kan ralkap hna CAN/F hna hmanh nih kan ram an veng ngam ti lo I, hriam nam neilo mi rallokap pawl nih an duhning poh in ar le vawk thah in an thah tik hna ah cun, an tuar kho cio lo caah asi.
UK LIAN THANG nih a rak chim bantuk in, chin mi cu a tu kan ram te zong hi kan zam tak than lai ti phang um taktak ko. Cu caah cun CAN/F nih kan ram te hi, veng hna seh law, mipi nih bawmh in tha pek cio hna usih law kan ram kan neih chun te hi zamtak lo in veng him hram hna sih. Lungrual cu teinak hrimnam thabik asi.
Leave a Reply