Nizan (June 7) zaanlei ah Myanmar ram ca ah Many Pacquiao le a chungkhar nih thlacamnak an ngei.
Thlacamnak an tuah hlan ah vawleicung mizapi nih thlacampiak cio ding in sawmnak zong a Facebook ah a tar.
“Landmine i lamh ruang ah Masbate ah a nunnak a liammi Kieth Absalon (kum 2) le nunnak tam tuk a liam cangmi Myanmar ramchung ral kong ah nihin zaanlei ah thlacamnak kan ngei lai…mi vialte zong nih Myanmar ram, Philippines le vawleicungpi ah daihnak a um nakhnga thlacam tti hna u sih,” tiah Many Pacquiao nih sawmnak ca a ttial. Cred : The Chin Journal
Relchap : Thawngpang Thangai Asi, Rallokap Cu Nikhat Hnu Nikhat CDM Ah Lut Mi An Tam Chin Lengmang
Nawlngaih nak latu rallokap phu cu kal tak in mipi lei dirkamh ding ah aitim mi ralkap an tlawm tilo. Rallokap nih nawlngaih nak an lak mi kong ah duhlo nak tuah in CDM ah aitel mi ralkap 800 tluk an si cang .
Cu chungahcun 75 % cu mipi vengtu phu (PDF) he fon in nawlngaih nak la tu rallokap phu cu kan doh lai tiah an chim nak kong cu CDM luh duhmi bawmtu Bawiham (Bugyi)Lyin Thet Awng nih Myanmar Now ah achim.
Mipi lei ah dirkamhtu ralkap nikhat hnu nikhat in an tam chin lengmang caah rallokap chung ah an bawile nih harnak(ဖိအား) tampi an pek hna.
Rallokap phu umhmun chung ah aum rihmi CDM tuahmi ralkap 50 hrawng i an chungkhar hna cu an tlaihhna tiah Bawiham (Bugyi) Lyin Thet Awng nih achim. Rallokap phu hna cawlcangh le hramhram an riantuan nak hi luantuk in rian an tuan tiah achim chap.
The Chin Post
Leave a Reply