Myanmar ram chiahru taktak in cansau pi a rak kan hruaitu Pu Than Shwe i a chuahnak khua Mandalay ramthen Kyuaksi peng i a umnak inn cu PDF nih an kah tiah theih a si. Pu Than Shwe i a umnak inn cu ralhrang hna nih tha tein an ven i an conghmi a si. Nihin April 22,2022 ah Pu Than Shwe inn a congtu ralhrang pawl cu bomb in kan cheh hna tiah KDDF nih an thanh. Than Shwe inn luhnak ah a ummi ralhrang pathum kha i sel in bomb in kan cheh hna.
A thi le hliam an um maw um lo cu theih a si lo. Ralhrang nih lam an kham i mi an cheh hna tiah KDDF nihcun an chim. Pu Than Shwe hi ralkap in pension a lak hnu in a chuahnak Mandalay ramthen Kyauksi ah um loin Nay Pyi Taw ah a um ti a si. Nay Pyi Taw hi a him bik lai tiin a ruah caah a si lai. Tulio ralhrang bawi pawl hi hnahnawknak tete an tong ngai cang. Kawlram tuanbia ahhin a tu bantuk in ralhrang bawi luban pawl hi harnak an ton a um rih lo.
Kawl ralhrang pawl hi tam deuh cu an Pu Than Shwe uknak in an um rih ko ti a si. A pension lakkhah hmanh hi Myanmar President Win Myint lahkhahnak in a tam deuh ti a si. Pu Than Shwe nihhin Kawlram hi kum tamtuk a uk. Kawlram chung chuak thil mansung vialte cu a mah nih a lak a ei dih ko. Nay Pyi Taw khuapi zong khi a mah nih a thli tein a sermi a si. A tu ralhrang nih kum 2008 phunghram pi zong hi a mah hruainak in tuah mi a si.
Myaung Ah Sianginn 22 An On , Sianghngakchia 3500 Leng Sianginn An Kai. Sagaing ramtthen , Myaung pengchung ah sianginn 22 an on cang i, sianghngakchia 3500 leng sianginn an kai kho tiah theih asi. Myaung pengchung ah education network dirh a si i, kumhnih tluk ca he a hlat cangmi sianghngakchia hna ca cawnnak cu a thar in domhpiak dingah a tu bantuk in sianginn onnak kan tuah hi a si tiah Myaung education network in tuanvo ngeitu pakhat nih a chim. Myaung Education Network ah cun cawnnak lei kong ah tuanvo latu hna, tawlrel tu hna, phaisa kawlnak lei tuanvo latu hna, tualchung mi hna le Myaung tualchung hriamtlai phu hna an i tel.
Myaung peng chung khua 80 lengchung ah khua 22 in sianginn 22 on a si cang tiah, Myaung education network nih April 21 ni ah phungning tein an thanh. Sianginn onnak tuahmi 22 chungah primary school 4, middle school 6 le high school 12 an si. Sianginn 22 chungin sianghngakchia 3500 leng cu CDM tuahmi ca chimtu hna le volunteer in ca chimtu tiin, an dihlak ah ca chimtu 300 leng an si. NUG cozah nih caan karlak suaisam ning in cawnpiak an si i, a lenglei ca hna zong telhchih in cawnpiak an si.
Mann NLD Party President U Ko Ko Lay A Nunnak A Liam, Tuni April ni 21, Suimilam 6:00 hrawngah Mann District President U Ko Ko Lay cu Shan ram chak lei Pann Tawa lei ah SAC ralharng nih tlaih ding in an kawl mi a si i , mah kaa lei ah a va i dornak ralzaam dirhmun in a va umnak ah , a thluak thi a dir caah a nunnak a liam tiah theih a si.
April ni 12 ah khan an nu Daw Suu Suu cu SAC ralhrang hna nih an tlaih hnu ah a chungkhar pawl cu hmundang kaadang ah an i dor hna tiah theih a si. Daw Suu Suu a nunnak a liam cang tiumi thawngpang a theih hnu April ni 18 ah a theih hnu ဆီးချို, သွေးတိုး, နှလုံးရောဂါ a ngei mi U Ko ko Lay cu a thluak thikal a dir ruangah anunnak aliam tiah a mah chungkhar pawl sinin theih a si. U Ko Ko Lay cu NLD party Mann District ah a pahnihnak President in 2013 in rian a tuan mi a si , Kum 2021 SAC ralhrang nih uknak an lak hnu ah sadah piah, lamzawh nak hna ah aa tel ruangah SAC ralhrang nih pohmah 505 in tlaih dingin an kawl mi a si tiah theih a si.
Leave a Reply