Twitter nih cun Donald Trump cu ma ti bak hin a van tuah, January 9, 2021 in Trump account cu a hrawh piak diam.
A hlan zong ah Twitter nih US election lio ah President Trump bia tial mi a post mi hna cu tamlak in a rak hlawnh piak cang, a hlan zong ah voi tam ngai i ralrin dingin a rak chim cang. Amah tanhtu hna nih US Capitol an luh hnawh lio zong ah khan a account cu nazi 24 chung a rak donghter piak cang.
Pesident Donald Trump hi Twitter lawng si loin Facebook le IG zong nih January ni 20 tiang hremnak an pek.
Media lei ah harsatnak a tong cuah mah lio caan ah, Donald Trump nih cun US President thar Biden an lak tik ah ka tel ve lai lo tiah a chim. Mah bia a chim hlan ah hin dan bantuk in nawlngeinak le a sinak vialte cu January 20 ah Biden sinah ka pek lai tiah a chim.
US President 46th lak nak ding ah hin US President sinak rak tlai cang mi hna zeimw zat cu an i tel ve lai, Barack Obama pin ah Clinton le Bush zong an i tel lai, Trump hi President thar laknak ah a tel lo a si ah cun, President laknak ah a tel lo mi Andrew Johnson chang a si lai ti nak a si.
Leave a Reply