SAC Ralhrang Nih Kahdohnak Chungah Luh Dingin An Kan Tuah By AA (Video in ngaihkhawh a si a tang bikah)
=============================
Kayin ram KNLA tatmaha 5 hmunhma chungah Rakhine tatmadaw ralkap AA i sakhan pakhat cu July ni 4 ah SAC ralhrang nih raltuknak vawlanwg pahnih in bomb in a kah ruangah Rakhine AA ralkap minung pa 6 a nunnak a liam tiah theih a si. Mah tuahsernak cu SAC ralhrang nih AA cu kahdohnak chunagh luh dingah an kan tuah (an kan shingkhaw) timhlamhnak biatk tein ngeih buin an kan kah tiah Rakhine tatmadaw ralkap AA in chim nawl ngeitu Khine Thukha nih a chim.
Cu pehtlaiin AA leiin dohthlennak thazang pawl he pehzulhin colcangnak kan ngeih cuahmah lio a si ko ti zongin RFA in Ma Khine Khine Aih nih biahaklnak an tuah mi ah Khine Thukha nih a chim.
Mobe le Demoso raldohnak kong in ralhrang mui hliah I zuam usih. Abik in Kik lo lum lo asi rih mi CHINMI vialte caah. Kan Chinram hi anmah Bantukin kan kah ve hna sehlaw, kan intuar khawh lai maw. An kan tuk hlan ah timhlamh nak le planning ngeih cia khawh awk ah I zuam usih.
June Thla ah KNU le Uirual dohnak 360 a chuak. Uirual 410 anthi, 335 hma anpu. Karen Ralkap 17 nih ram le miphun caah nunnak an pek. 28 hma anpu. KIA nih Police 7 an tlai. 6 July ah Pehkung PDF 11 nunnak apam. Ui 40 an thi. June 31 raldohnak aum. Mipi 5 an thi, 22 hliam an tuar. Inn 12 mei an duah. Ui a nung in 25 tlaih an si. Ralzam 80000 an si. Chinram Falam peng le Chin Kawlrawn ah, June thla ah: CNDF le Ui Raldohnak 11. Uirual 66 an thi. Innlo 37 a ciam. Mipi ralkap 4 nih miphun le ram caah nunnak an pek. 1 hliam tuar.
Ni fatin raldohnak aum. Raldoh lo ni aum lo. 2022 June thla chung hi Raldoh a zual bik asi. Chun he zan he ral I doh asi. Nikhat hmanh din can an ngei lo. Acan ah khuadei hlan Suimilam 3 in Rallokap nih an kah cang hna. Cutincun Chun Nitlak I kap asi. Uirual hi Ral lam 3 in an kal hnawh hna. Rallam pawk le rallam Ṭek in an kal hnawh rih hna. Ke ralkap lawng in atlawm bik 500 -700 in an kal hnawh hna. An hnu ah Ral bawmh ding in a kal mi he cun 1000 leng an si lai.
Tank 2 in an kah zungzal hna. Adang tank hi cu a can lawng ah an kah hna. Lamhlat Miapi (Dungci) timi MLRS in an kah zungzal hna. Helicopter (Huskey) an hmang peng. An ngeih mi Raltuknak Vanlawng hi an hmang lo mi an um ti lo. Kaya / Karenni ah an chiah mi / an kuat mi Miapi le bomh vialte an hmang lo mi a um ti lo. Raltuknak Vanlawng nih Nikhat ah a tlawm bik voi 20 tiang a kah hna. Nifatin tank in an kah hna. MLRS in an kah zungzal hna. Miapi (Liangput Launcher, 60MM) tbk in suimilam ṭem kip in an kah hna. Miapi kuan cu Ṭek tla mi le ruah sur ko khi an lawh. Hriam hme an hmang bal theng lo.
KNDF le LDFs lei cu meithal hmete lawng kan ngei. Cucun an awrh ve hna I an doh ve ko hna. Hriam dang le hriam ṭha an ngeih ve lo. Thla khat chung ah Heros 40 leng nih nunnak an pek. Hliam Tuarmi tampi an um. Kawlram Ralbawi minthang le anih anih ti vialte I tel in an kah hna. Phaisa tampi dih in an kah hna. Operation ngan tak tak mi asi. Ram pakhat doh Bantukin an kah hna I an doh hna. PDF le EAO tuk in an tuk hna lo. Ramdang Ralkap he Raldoh bangin an tuk hna.
Meng 13 lawng aa hlat mi Mobe l Demoso kha thlakhat rau in an kal. A cheu hmunhma ahcun nithum hna an cam. Hmainawr a ngah ti lo ahcun Vanlawng a ra colh I Nikhat chung dongcat loin an kah thluahmah hna. Mobe ah Vanlawng in an kah hi cu avoi relcawk lo asi lai. Voi 100 leng cu asi lai. Zan ah ruah lo pi in Demoso khua cu Vanlawng in he chet tiah an kah hna. Miapi le Launcher phunphun nih kah an bawmh rih hna. Ngandamnak zung vialte cu Vanlawng in bomb in an kah.
A can ah chun ah an kah ve. Zan deuh ah Vanlawng in Demoso cu an kah deuh. Siizung siikhan onh ngah lo ding in an tuah hna. I thlawp loin thih hna seh, ti kha an duh mi asi. Mipi zong Siizung le Siikhan an kal khawh ve ti lo. Nan dam lo ahcun ahmun ah ril uhlaw thih uh ti nak asi. Ralzam camp le IDP zong an kah chih. An thinphang seh law thih dih hna seh ti a duh. Nan ralkap nih an tuahserhnak cu nan ing a herh ti phun in mipi lawng te kha an kah hna. Karenni ramkulh vialte cuticun an tuah hna.
Ni 15 a rau hnu ah Nanmekhung myo an phan. Thlakhat hnu ah Demoso an phan. An lam ah aum mi innlo le khua vialte mei an duah dih. An hmuh mi poah an thah dih hna. An hmuh mi thilri le hlawnthil vialte an fir dih. Karenni ram Damiah hrang bik an si. Karenni caah zan mang chia an hluan cang.
KNDF le Karenni PDF cu hnu an kir bak ve lo. Nunnak pek in thih tiang in an doh hna. Phaisa zong relcawk lo an dih ve. Cuticun Karenni ram le mipi an veng hna I an khum zual hna. Rallokap an ruak suan ni hi Ralbawi zik hna hmai cu an hmuh tawn ve hna. Mipi ralkap lei an thih ahcun an ngaihchiat a zual ve. Uirual an thih ahcun an I nuam tuk tawn. Uirual athih mi hi an tam bak. Thing ai phun an pawnh hna I mei an duah tawn hna Uirual nih. Tlangbo bang in Uirual ruak cu aa pungh len ko. Uico le Vok bang in a thih mi Rallokap cu an tam tuk hrinhran ve.
Karen ram Ukari Raldoh nak hi Mobe le Demoso raldohnak bantuk asi. Demoso le Mobe bang in Ukari raldohnak hi Karen nih an tei te lai. Karen mipi zong an thinphang tuk lem lo. Karen le Karenni caah techin fapar chan tiang in philh khawh lomi Ni Sunluai an si te lai. Kawlram thlang lei in a namh hna Bantukin Kawlram Nitlak chaklei um CHINRAM zong ah an ra te lai. An ra cuahmah cang. Tutan Kalay Falam in a ra mi Rallokap Uirual hi an si men lai. Mitlet nak caah tiah Thantlang Khua Nupa kha an zawng thluak an chuah hnawh hna rua ka ti.
Video In Ngaihnak, https://fb.watch/e5YWhcUFUI/
Leave a Reply