Tuzing Thantlang Peng khuate ah an I Kap Mipi A Hliam Mi An Um

Breaking News: Zahnak tlang chung ah bomb le meithal puah thawng a thang, minung pakhat bomb aa lamh Thantlang Peng, Zahnak tlang chung ah nihin September 10 zinglei in bomb le meithal puah thawng theih a si. Khuami pakhat nih, “Atu zong meithal thawng kan theih cuahmah ko. A ho an si zong kan thei kho ve rih lo,” tiah a chim. The Hakha Post nih suimilaam 7:30AM i thawng kan theih ning ahcun, minung pakhat bomb aa lamh i fak ngai in hliam a tuar tiah kan theih. Thawngpang tling rianrang in thanh khawh kan in zuam than hna lai. The Hakha Post

Gangaw Peng Thar Lin Khua Ralhrang Nih Lut In Mei An Khangh Magwe ramthen Gangaw peng Thar Lin khua cu September 9 tuzing ah ralhrang nih lut in mei in an khangh tiah theih a si. Thar Lin khua cu tuzing ah ralhrang tam pi cu ra i mipi inn hna cu meikhangh in an hrawh tiah khuami hna nih an chim. Ralhrang hna cu Phungki inn ah umhmun an khuar,

Meithal an puah an kah i khuami hna cu rak kan rem uh tiah an auh hna nain khuami hna cu a himnak hmun ah an zaam dih. Ralhrang hna cu Gangaw peng chung khuate hna ah atu le atu an lut i inn le thilri an hrawh i phaisa zong an lak, mipi hna cu meithal in an kah, an hrem hna caah a thi mi le hliam mi zong an um tiah DVB nih a tial.

Demawhsu peng ah ralhrang phu nih hriamngan in an kah hna Kaya ramkulh, Demawhsu peng ah ralhrang phu nih hriamngan in an kah hna tiah theih a si. Khuami pakhat nih” tu nai suimilam 6:00 luan hrawng khan an thok,hriamngan lawngte an hmang, nizaan zaan zong ah suimilam 6:00 luan hnu in an kah suimilam 10:00 deng tiang an puah, tuzaan zong zeitik tiang dik an kah than te lai theih a si lo ” tiah a chim.

September 7, ah NUG nih ramchung thilcang kong he pehtlai in lakhruak thawngthanhnak a tuah hnu ah Demawhsu peng Kayinni ralkap hna le ralhrang phu kar ah fakngai in kahdohnak a chuak. Cu kahdohnak ah cun ralhrang phu nih hriamngan an hmancaah Demawhsu peng chung Sanpiah meng6 khua le meng 5 khua in mipi umnak inn 6 mei kang in a rawk . Kayinni mipi ralkap phu nih September 7,zaan ah Demawhsu khua palik sakhan zong an doh tiah theih a si. The Irrawaddy