SAC Ralkap 15 tluk an thi

SAC Ralkap 15 tluk an thi: CDF Thantlang September 7 — Hakha-Thantlang karlak hmunhma pakhat ah, CDF Thantlang le thazaang 80 tluk a si mi SAC Ralkap cu September 6 ah an i kap. Hi kahdohnak ah a tlawm bik SAC (Kawl) Ralkap lei in minung 16 tluk an thi i, hliamhma pu mi an tam tiah Chinland Defense Force nih nihin Sept. 7 ah thanhnak an tuah.

Tuzing September 7 ah NUG nih D-Day a thanh cang caah a hlannak in kahdohnak zong a chuak kho mi a si. Mah ruangah ralrin tein um dingin KIO chimnak nawlngeitu Col. Naw Bu nih mipi sin ah bia a cah. Col. Naw Bu nih NUG cathanh he pehtlaih in KIO nih zeihmanh ruahnak kan chuah rih lo nain, hmunkip ah kahdohnak a chuak kho mi a si caah mipi ralrin tein um a herh ti chim ka duh.

Kahdohnak a chuak te ko lai. NUG le PDF nih zeitluk dah rian an tuan khawh ti mi cu mipi cungah a hngat ko.Rampi huap in an thanh mi a si tikah atu nak tam in kahdohnak a chuak te kho mi a si. Kachin le Sagaing ramri KIA le ralhrangbu i kahnak ruangah ralhrangbu hna nih nuhrin covo an buar nak kong he pehtlaih in mipi nih thawng an thanh lengmang a hau. Bu pakhat khat sin ah thawngthanh hi a biapi ngai mi a si. Kan dihlakin kan tanti a herh tiah Col. Naw Bu nih the 74 media sin ah a chim.

SAC Bawmhnak Lak Lo ding in Thantlang Biaknak lei Upate nih Bia an Chah – SAC nih biaknak lei upate bawmhnak (18,000MMK) a pekmi hna lak lo ding in Thantlang biaknak lei upate nih nihin zinglei meeting ah biachahnak an ngei, tiah thawng kan theih.

Thantlang pastor pakhat nih, “Tuzing kha TCF rianttuantu dihlak le Thantlang peng huap in kan hruaitu hna he tonnak kan ngei hna i SAC laksawng 18,000 hi cohlan/lak lo ding in biachahnak kan tuah,” tiah a chim. Pastorte bawmhnak pek kong he pehtlai in Thantlang SAC nih mah hlan ah TCF an rak pehtlaih bal hna nain TCF nih an rak el hna. The Chin Journal September 7, Thantlang

Be the first to comment

Leave a Reply

Your email address will not be published.


*