Tuzanlei Ah Ralhrang Nih Daw Aung San Suu Kyi Bia Khiahnak An Tuah Piak Cang

Ralkap Council nih Daw Aung San Suu Kyi le U Win Myint thong kum hnih an thumhpiak hna, thonginn ah kua lo in atu an umnak hmun ah kan chiah hna lai tiah an chim December 6, 2021 Myanmar Ram Ruahnak Petu Daw Aung San Suu Kyi cu Ralkap Council kuttang Nay Pyi Taw Biaceih Zung nih December 6, zinglei ah,

Thong kum li tla ding in bia a khiah i, zaanlei sang ah Ralkap Council Lutlai Min Aung Hlaing nih kum hnih a thumhpiak. Daw Aung San Suu Kyi le President U Win Myint cu pohmah 505(b) in thong kum hnih veve, kokek raal lei upadi in kum hnih veve tlak ding in an khiah hna. President U Win Myint zong thong kum hnih an thumhpiak ve.

Thonginnpi ah kua lo in atu an chiah hnanak hmun thiamthiam ah chiah an si lai tiah Ralkap Thawngthanhtu Phu Lutlai Major General Zaw Min Tun nih BBC ah a chim. Cucaah, February ni 1 in tlaih le hren a rak si cang mi Daw Aung San Suu Kyi le U Win Myint cu an tlak cia mi zuhpiak ahcun thong kum khat le thla hnih lawng a tla ding an si. Asinain Daw Aung San Suu Kyi cu kum tampi thong tlak khawh mi a dang case pakua in biaceih ding a si rih. Ref: BBC

Nepal ram Dolpa pengkomh biaceihzung (District Court in Dolpa) nih Pastor Keshab Raj Acharya cu “Thlacamnak nih covid zawtnak hi a damter khawh” timi bia a chim ruangah a bia an ceih i kum 2 thongdan an pek tiah Christian Post nih a tial. Cun India tangka Rupee 20,000 (US$165) zong an liamter fawn. Pastor Acharya hi March 23, 2020 ah a inn (Pokhara, Gandaki Pradesh Province) ah covid-19 kongah biadik lo na chim tiin voikhat an rak tlaih cang.

Thla 3 thong a um hnuah US$2,500 he aa tlukmi India tangka an cawiter i Jul 3, 2020 ah an rak chuah. Online video pakhat ah Pastor Acharya cu a member hna hmaiah dir in hitihin thla a cam. “Hey, corona zawtnak, kal law va thi. Na huham vialte hna cu Jesuh Khrih ṭhawnnak nih a tei dih cang. Jesuh Khrih min ṭhawnnak in kan ṭhawl cang. Zeizong vialte Sertu ṭhawnnak le thilti khawhnak in kan ṭhawl cang. Jesuh min in kan doh.

Kal law va thi ko”. International Christian Concern (ICC) in South Asia i Regional Manager William Stark nih cun “Kan hnulei kumkhat lio hrawngah khan Dolpa District nawlngeitu hna nih Pastor Acharya hi Khrihfa pastor a si ruangah an rak ngiar len cang. Kum 2015 i phunghram thar an ser hnu in Nepal khrihfa hna nih tazacuai le biaceih an tuar ngaingai” tiah a chim. Source: Christian PostEnterWrite to Dawt