Tuzan Hakha Kahdohnak Thawngpang Hakha Khuathar Lei Ah ralkap Tam Taktak An kal

Hakha khua hmun tampi ah meithal le bomb thawng a thang – Nihin September 23, zaan suimilaam 6:30 hrawng in Hakha khua hmun tampi ah meithal le bomb thawng theih than a si. Hakhathar Lamruk tonnak, Lungphun Tlang, Hakha University le Chin Oo Si sang ah meithal le bomb thawng pehtlai in theih a si tiah sangmi hna sin in kan theih.

“Hakhathar, Chin Oo Si sang Cozah Zung hrawng le University Sianginn hrawng in kan theih. Leisen lei hrawng zong in a thang mi a lo nain khoika set in a si cu kan thei kho lo,” tiah Dawrthar sangmi pakhat nih The Hakha Post ah a chim. Bomb le meithal thawng a than hnu ah Khuathar sang lei i,.

Hakhathar lei ah Council ralkap tam nawn ke in an kal i an hnu in motor pahnih nih a zulh hna tiah kan theih nain, The Hakha Post nih kan fehter kho lo. Tu zaan meithal le bomb puahkehnak ruang ah a thi mi le hma a pu mi an um le um lo theih a si rih lo. Hi thawng kan tial lio zaan suimilaam 9:50 tiang ah meithal le bomb thawng a dai rih lo.

Tanintharyi ramtthen, Dawei khua ah a luan ciami September ni 20, kum 2021 ah khan Min Aung Hlaing ralhraang pawl nih an tlaihmi Ma Mi Mi Kyaw cu ralhraang pawl nih an hremnak a tuar khawh ti lo ruangah thihnak lam thim in Spirit bak a ding nain a thih lo ruangah tu hi ralhraang sizung ah an chiah tiah thawngpaang theih a si.

A luan ciami September ni 20, kum 2021 ah khan Min Aung Hlaing ralhraang pawl nih Ma Sya Pyae Khin timi nu sin ah online cung in chanreu an caah hnu ah an rak tlaih, an tlerh hnu ah Ko Soe Pyae Aung le Ma Soe Mi Mi Kyaw hna umnak kalnak ah lam hruai tu ah an hman i Ko Soe Pyae Aung le Ma Soe Mi Mi Kyaw zong cu an tlaih hna.

Ma Sya Pyae Khin le kum tling lo hngakchia pa 2 zong an i kalpi hna, ralhraang pawl nih sakhan an phanh pi hna hnu ah an pathum bak in an hrem hna, kum tling lo hngakchia pahnih kong tu cu zei hmanh a lang ti lo, Ma Soe Mi Mi Kyaw hi ralhraang pawl nih cazin ttialnak cauk bak in an tuk chih.

Ralhraang pawl hremnak a tuar khawh ti lo ruangah zunput a kal lio ah spirit ding in a mah le mah thah aa tim nain a thih khawh lo ruangah ralhraang sizung ah kal pi in an thlop cuahmah lio, zei dah a lawh timi belte theih khawh si rih lo (spirit hi khoika ah dah a laak ti cu zei hmanh an langhter lo).

Be the first to comment

Leave a Reply

Your email address will not be published.


*