Tuzan Hakha Kahdohnak Ah Pu Phu Kung Hliam A Tuar Sizungah An Tlik Pi Colh Thlacam Bom Cio Sih

Tuzan Hakha Calvary Baptist Church pawng i kahdonak ah James Bawi Lian Thang i a pa Pu Phu Kung cu a ban ah meithal in hliamma a tong. A thi cu a chuak ngai ko nain Pathian nih a nunnak tu cu a kan zuah piak. Atu hi siizung lei kalpi ding in kan tolrel cuahmah lio a si. Thacamnak in ra bawm cio hram u. Hi bantuk in kahdonak a um caah Dawr Thar le Chin Oo Sii sang ummi vialte thaizing khua a dei hlan tiang aho hmanh lengah chuah lo ding le ralring tein um ding in upa pawl nih thawng an in thanh hna. By Biak Vel

Hledkone peng ummi eidin tirawl a harsa mi Chin le Myo ralzaam chungkhar hna caah facang le eidin tirawl an hlut Rakhine ah a cang mi kahdohnak ruang ah Chin le Myo chungkhar 200 leng cu Yangon ramthen Hleb Kone peng ah a luancia ni 2 ah khan an umnak hmun kal tak in a zaam mi chungkhar hna cu tulio ram buai le Covid -19 a karhtuk ruang ah rian ngei lo,

bawmtu ngei lo in an um caah an har tuk thiah theih a si. Mah caah cun kanmah Rakhine ram chung um Chin Sianghleirun siangngakchia phu CUSR nih mah chungkhar hna bawmh khawhnak ding ah kan i timtuah i August 28 thok in bawmtu kan kawl i an hlut mi zapi (1093000) kan hmuh i chungkhar khat ah Facang Pi2 le chungkhar minung tam deuh caah Facang Pi 3 le eidin dangdang hna bawmhnak kan pek khawh hna.

Kanmah CUSR nih an hlut mi phaisa cu tha tein kan then hna i pia khat te hmanh bau ter lo in a hmu tu ding hna sinah (ralzaam hna sinah )le rianrang in bawmh a herh mi hna sin in va pek khawh ding in kan i zuam i,i zumhnak a um khawh nak ding caah thawng kan thanh peng ko tiah an chim.

Bawmhnak hna cu tluk tein tuah dih in ralzaam hna sin ah a phak khawh nak in a kan bawm tu MUSA in kan unau hna le zumhnak he bawmhnak ah a tel mi bawmnak petu hna cung ah Rakhine ram ah a ummi Chin Sianghleirun phu CUSR nih kan i lawm tuk tiah an chim. Rakhine ram chung um Chin Sianghleirun phu (CUSR), The Chin Post

Be the first to comment

Leave a Reply

Your email address will not be published.


*