Shan ramkulh chaklei Phaekhung(ဖယ်ခုံ) peng nichuahlei Similawh(ဆီးမီးလော့) khua thlanglei SAC ralkap sakhan cu Karenni ralkap phufonh nih May 24 zinglei ah kan lakkhawh tiah Phaekhung PDF battalion 2 nih an chim. May 24, zinglei suimilam 4:00 hrawngah SAC ralkap sakhan cu Karenni ralkap phufonh nih luhhnawh in kan lak, SAC ralkap cu hnu an tolh tiah Phaekhung peng PDF battalion 2 in chim phuannak nawlngeitu pakhat nih RFA ah a chim.
Phaekhung peng nichuahlei SAC ralkap sakhan cu KNDF battalion 2,3,11,14 le KA, SSRY, Phaekhung PDF battalion 2 phufonh nih ni 10 chung kan kah hna, Cu kahdohnak chungah cun SAC ralkap 30 an thi, KNDF battalion 03 in ralkap pakhat, Phaekhung battalion 2 in pakhat tiin tualchung ralkap phu lei in minung 2 an nunnak a liam tiah KNDF Battalion 03 nih May 24 ah an thanh.
Ramkhel in hnu lei kir than a si ah cun, Kap khat lei lawng chim a ngah lo i Tatmadaw telin hriamtlai phu zaapi in ramkhel in hnu kir a herh nak kong cu ramlkhel hlethlaitu U Ye Htun nih CNI ah a chim. U Ye Htun nih,” Ka hmuh ning ah cun mi cheukhat nih an chim mi ralkap cu ramkhel in an chuah a hau, ramkhel ah an i tel lai lo timi kong ah Hriamtlai ralkap zaapi sinah chim an si cun a dik mi a si ko.
Magwe ramtthen, Kyaukthu pengah lam thianh ding in a rak phan mi SAC ralkap rallam cu mizapi vengtu ralkap phu hna nih nihnih peh in bomb lung 30 leng in an puahhnawh hna caah SAC ralkap 30 nak tam an thi tiah Kyaukthu PDF ( YRPA ) phu sin in theih a si. May 24 ah Tapin( တပြင်း) khua in PungTaung ah rallam a sial in lam thianh ding ah a phanmi SAC ralkap hna rallam cu Kyaukthu PDF ( YRPA ) nih zinglei Sml 5:00 hrawngah bomb 2, zinglei Sml 9:00 hrawngah bomb lung 1,zanlei Sml 3:00 hrawngah lung 1 hna in an puahhnawh hna i SAC ralkap a thimi an um nain a zat cu fiang in kn thei rih lo tiah theih a si.
May 25 ni hrawngah Pung Taung lei ah lam thianh dingah an rak phan chap mi SAC ralkap hna cu Kyaukthu PDF ( YRPA ) phu nih an hmanh mi bomb umnak an phak lio zinglei Sml 11:00 hrawngah control bomb lung 3, mawtaw bomb ngan lung 27 in an phuahhnawh hna i SAC ralkap 30 leng an thi tiah theih a si. Mipi hna zong nih SAC ralkap rallam hna an sial lio ah Kyaukthu- Pakokku lam lei cu tlunkal rih lo ding in PDF ( YRPA) phu nih cathanh an chuah.
Hmai lei caan ah kan mah nih Federal hramhunh upadi cu ceihhmai in zaapi nih kan zulh lai, zaapi nih hi bantukin tlamtling seh ti duh a si ah cun ralkap zaapi zong hraimtlai ralkap pakhat a si mi, hriamtlai Pyidaungsuu Tatmadaw an si lai cu. Cu bantuk in Pyi Daung Su Tatmadaw an si ah cun hraimtlai pawl cu an zaapi in ramkhel in a chuak ko lai. Tlangcung mi hraimtlai si hna seh, PDF si hna seh, SAC ralhrang si hna seh, an zaapi in ramkhel in an chuah a hau” tiah a chim.
KNU i kuttang riantuan a si mi KNDO, KNLA hna cu ramkhel ah pehtlainak an ngeih lonak kong cu Near Pado Saw Tawni nih a chim. Pado Saw Tawni nih, ” Ramkhel hrauinak phu dir a rak si kaa te ah, kan vawlei kan hmunhma a um tikah kan mah i kan ram uknak riantuannak tein rian kan tuan. Mah bantuk in uknak hruainak cu kan zuung lei in a tu ah kan zung phun (4) chungah, mah zung phun (4) chungah cun ruunvennak zung timi hi aa tel.
Mah runvennak zung kuttang ah KNLA le KNDO timi an um. KNLA le KNDO cu ramklhel ah an i thlak nak an i pehtlainak a ruang pakhat hmanh a um lo. An tuah hnga ding an tuah, an tuan hnga ding rian an tuan ko. KNU nih ramkhel policy a tuah mi cungah KNLA le KNDO nih an takin congah mi hmuh khawh nak hnga ding caah rian an tuan, an nih cu ralkap an si.
Ralkap nih cun kan mah nih Ramkhel hrauinak phu i hmathlaknak policy kan tuah mi ah tlamtlingter khawh dingin rian an tuan. An nih cun ramkhel ah an itelnak pakhat hmanh a um lo. Hi hi a tuah kan mah nih a takin kan hman mi cu a si tiah.” Thet Htwe Naing nih biahalnak a tuah mi ah a chim.
Leave a Reply