Ngaih chiat nak thawng A tu Thantlang ah Inn 40 leng a kang cuahmah than
==========
2022 January 3 ah Thantlang khuachung nihin zaanlei suimilam 3 tluk in kangh hram a thawkmi Kawl Ralkap nih mei khanghmi ruang ah inn 40 tluk a kang cang i, Biakinn pahnih zong a tel tiah Chin Human Rights Organization nih a thanh.
Zaanlei suimilam 3 in a kangmi ruang ah Gospel Baptist Church, Methodist Chruch le an biakinn quata pawl telh in inn 40 leng a kang cang. Zaanlei suimilam 6:30 tluk sining ah, Johnson Memorial Baptist Church biakinn zong a him lai maw, a kang lai dah timi theih fian a si rih lo tiah CHRO nih cun Twitter ah a tial.
kum 2021 November ni 24 zaan lei suimilam 3:30n hrawng ah Thantlang khua inn an khangh than tiah kan theih. inn a khangh nak hmun hi Thantlang thlang lei deuh ah si dawh asi, alanghlat in a rak si caah an rak i fiang kho ve lo,
Inn zei zah dah akang ti mi kong zong fiangin kan thei kho rih lo, mei cu akang cuah mah ko,Kha lio i inn khang tu hi ralhrang nih an tuah mi a si, khua chung ah ralhrang dah ti lo mizei hmanh an um ti lo tiah alangtlang in mit hmutu pakhat nih The Chin Post ah achim ah a rak chim .
Ralhrang nih uk nak an lak hnu Thantlang khua ah inn an khangh hi avoi 7 voi 8 nak lei asi cang, inn 240 renglo aciam dih cang. Mah in an khanghmi hi mipi ralkap nan ngam cun kan tong uh. Nan kan tongh lo cun Thantlang nan khua lipi kan khangh dih lai ti he aa lo.
Kan ram cu a tha te ko lai tiah ruah chan nak kan ngeih cio. Mah kan i ruah chan mi hram kan bunh khawhnak caah Chin National Army le ChinLand Defence Forcce kan thawn ter hna an hau . Cu lo cun peng le tlang in kan kal peng ko lai i zeitik hmanh ah Chin timi ah kan i fonh kho lai lo.
Leave a Reply