Tuni Matupi Ah Kah Doh Nak Fakpi In A Chuak Thlamcaam Bawm Cio Ko Hna U Sih

Tuni Matupi Ah Kah Doh Nak Fakpi In A Chuak Thlamcaam Bawm Cio Ko Hna U Sih
===========
Chinram ah Khualipi pakhat a si ve mi Matupi ah Chinland Denfence Force le Ralhrang karah kahdohnak fakti in achuak. Pathian sinah thlacaam baawm cio ko hna u sih. An i kahdoh nak a kong lam cu tha tein theih fiang si lo.

Chinram hmun zakip deuh ah kahdohnak pehtlai in a chuak i ralhrang minung tam lak te an thi cang tiah theih a si. Cu bantuk thiam thiam in A tutan Matupi zong a si ah Mindat a si ah kahdohnak hi pehtlai peng in chuak peng. Nihin Matupi kahdohnak ah ralhrang lei minung pa zeizat an thih le Chinland Defence Force in minung pa zeizat dah an thih ti hi theih khawhw a si rih lo.

Chin ram laitlang lawng hmanh ah kahdohnak cu pehtlai in nifatin achuak peng. Kan chinram hriamtlai Chinland Defence Force le Chin National Army hna caah mipi nih thlacam piak an herh tuk lio a si. Kan miphun hriamtlai hna Pathian nih him tein chia hram ko hna seh. Mindat, Matupi, Tuanzang,Falam, Paletwa , Hakha,Tadim lei ca zong ah thlacaam bawm ko hna u sih.

November 7, 2021 lio zong ah Chin ramkulh, Mindat peng chung ah kahnak faak ngai a chuak . Mah lio kahdohnak ahcun Chinland Defence Force pasaltha rual lawng si loin, Chin nusaltha tampi zong raldoh ah an i thawh ve, an i tel ve cang hna tiah Chinkand Defence Force Mindat tuanvo ngeitu upa pakhat a si mi Salai Yaw Han nih a chim.

Mindat peng chung, Mindat le Matupi karlak raldohnak hi zarhkhat chung nawn pehtlai in a rak um,Mah lio ah kahdohnak ni nga chung a rak i peh.Mah lioo kahdohnak ahcun Cinland Defence Force Mindat chung in nusaltha pawl zong raldohnak ah an kal ve cang tiah salai Yaw Han nih arak chim kha a si.

Mah raldohnak ah Chinland Defence Force nusaltha hna an i thawh ve i Chinland Defence Force pasaltha hna thazaang a tlawm caah le minung an tlawm caah a si lo tiah Khuami pakhat nih a taanglei bantuk hin a rak langhter ve.

“ Chinland Defence Force in nusaltha hna zong raldohnak ah an i thawh ve cang Chinland Defence Force hi pasaltha hna an tlawm ruang ah, minung an tlawm cang ruang ah a si lo. Chinland Defence Force nu pawl zong raldohnak training tha tein a lim cang mi, raldoh thiamnak tha tein a cawng mi an si bantuk in, an mah thinlung duhnak le biachahnak tein ralhrang dohnak ah hmaisuang in an i thawh ve cang hi asi” tiah arak langhter.

Cun a peh rih mi cu “ Chinland Defence Force Mindat in Spokesperson a simi Salai Yaw Han nih a chim cang bantuk in, Chin miphun, Chinland Defence Force Mindat nih tihmi le tuah khawh lomi kan ngei lo. Hriamnam lei, Meithal kuanfang ah tlamtling chinchin usih law kan mah hmunram lawng hmanh si loin, Pagan le Ngio Oo tiang hmanh kan va lak khawh lai, tiah a chim mi kha a si ko. Chinland Defence Force nusaltha tiang hmanh um sawhsawh loin an i thawh cang ko, thlaza cam piak hna usih” tiah a rak langhter chap.

Be the first to comment

Leave a Reply

Your email address will not be published.


*