Tuni Mandalay Kah Dohnak Thawngthar

Mandalay ah SAC ralhrang phu hna cu kut cheh bomb in an cheh hna, ralhrang minung 2 an thi, hliam tuar mi an tam Mandalay ah ralhrang phu hna nih umhmun an khuar nak hmun (no.95) battalion ah nihin September 7, zaanlei suimilam 6:00 luan ah kut cheh bomb in an cheh hna caah , umhmun an khuarnak hmun ah ralhrang minung pahnih an thi, hliamtuar mi an tam tiah theih a si

Ralhrang phu lei nih an kah ve hna caah bomb in a chap tu phu chung in mino pakhat cu meithal kuan nih a khen tiah theih a si. Nizaan zongah Amarahpoerah khua ah ralhrang phu hna cu hliamtuar mi an tam, cun Manaw-man dum hmai security hngak mi palik pakhat zong kut cheh bomb in cheh a ton caah a kee ah fakngai in hliam a tuar tiah theih a si. Mizzima

Lai Lungrawn” ti mi hlaphuahtu Pu Phun Lian Cung nih CYONA 2021 Hlaphuah Thiambik laksawng a hmuh September 7, Lai Mino lak ah hla-bia le hla-aw in a rum mi hlaphuah thiambik pakhat kan ngeih mi, “Lai Lungrawn…” ti mi hlaphuahtu Pu Phun Lian Cung nih CYONA 2021 Composer Award a co tiah kan theih. Mizapi nih kan hngalh khawh nakhnga,

“Lai Lungrawn…(Asatu Hlawn Sung), Lung a leng e…Christmas caan hung chuah cun….(hlasatu Sui Hlawn Rem), Chin Ram Caah Chinmi…(Asatu Mercy Haling Awi), Pathian Dawtmi, Tangka tibantuk le a bik in Van Hmun Lian (tleicia) nih a sak mi hla pawl in mizapi nih hun hngalh khun mi a si…The Hakha Times

South Korea cozah nih covid ruangah harsatnak tampi a tong lio mi Kawlram mipi caah humanitarian bawmhnak US dollar nuai 3 (3 million) kan bawmh lai tiin South Korea ramdang vuanci zung nih a chim. Atu tan bawmhnak hi ralhrangbu sinah si loin mipi sinah direct in fiangfai tein a phak khawhnak lam in kan pek hna lai tiah South Korea cozah nih a thanh.

South Korea cozah nih a thanhnak ah vawleicung ram cheukhat nih ralhrangbu cu kharphihnak an tuah lio a si bantukin South Korea zong nih mah hi a kalpi ve mi a sinain mipi bawmhnak belte cu pek rih a duh. Kawlram chungah democracy a ngah thannak hnga le remnak le daihnak a um than khawhnak dingin vawleicung ram hna he kan i zuam lai tiin,.

August 26 ah khan South Korea cozah nih a thanh cang mi a si. NUG cu phungning tein ser mi cozah ah diplomacy in pom piak dingah South Korea cozah sin ah minung 270000 deng nih minthut in an nawl tiah South Korea president office nih a langhter. Ref;

Be the first to comment

Leave a Reply

Your email address will not be published.


*