Tuni Kalay PDF le Ralkap i Kahnak Ah Ralhrang 4 An Thi 10 An Hliam

Tuni cu D_Day tiah thawng a thanh tlawmpal in khuaza kip ah kahdohnak a karh tikhawh si tuni Kalay – People”s Defence Force le ralkap i kahnak ah ralkap 4 an thi i mi 10 hliamhma an tuar tiah theih asi. Septembar 7 zaan 12 hawngah Kalay peng Kyauk Phu Khua le Donwe khua pawng ah an i kap i ralkap 4 anthi i 10 hliamhma an tuar, PDF le hliam tuar an um le um lo an langhter lo, Zalen

Nihin September 7 chun suimilam 12 hrawngah Sagaing ramthen, Kalaymyo town hall ah bomb pakhat a puak tiah theih a si. Bomb a puak ruangah minung a thi mi le a hliam mi an um lo nain ralhrangbu nih meithal an puah ruangah civil mi pakhat kuan nih a khen i,hliam a tuar tiah theih a si.

Hi kong he pehtlaih in a pawngkam ah a um mi pakhat nih; bomb hi town hall hmai ah a puak mi a si.A puah hnu tlawmpal an ralhrangbu hna an rak phan i, duh paoh in meithal an puah ruangah lam a chawk lio mi pakhat a khen tiah a chim. Town hall hmai ah bomb a puah hnu tlawmpal ah Kalaymyo palek riahbuk pawngah bomb a puak than tiah DVB news nih a tial. The Chin Post

Tuni NUG thawngthanhmi cu philh um lai lo. Kan ram thlennak caah a donghnak bik lam pakhat simi meithal in kahdohnak cu “officiel in” thanh a si cang. Kahdohnak in Kawl ralkap uknak hrawh lo ahcun, a dong ding si lo caah, NUG nih Sept. 7, 2021 ah an van thanhnak hi si cang. Tlangcungmi le Kawlmi nih ralkap uknak dohnak ding ruang hi tam tuk kan ngei. Ramchung raldohnak (civil war) cu tuni in ai thawk taktak cang.

Ttih ding zeihmanh a um lo. Sungh ding zeihmanh a um lo. Tutan ah ralkap uknak kan hrawh lo ahcun, zapi duhnak in kan ram hi a kal kho ding si lo. Meithal kahdohnak kan tuah chung le kan tei hlan chungah a herhmi cu:lungrualnak le funtomnak hi si lungsaunak le intuar khawhnak le ralrinnak le fimkhur nak hi si. Hmuitinh le herhmi pakhat he kan dihlak in Kawl ralkap hi kan dohtti ahcun, kan tei hrimhrim ko lai.

Civil war nih a van ken dingmi harsatnak tampi zong zapi nih ralttha in kan pah ngam a hau. Zapi ralkap (CDF, PDF) le rammi vialte hmunkhat kan ttantti cun, tuan ah kan tei colh ko lai. Kan biak Pathian Jesuh nih kan ram le rammi vialte himnak, luatnak le teinak kan pe hram ko seh. A herhning paoh in kan van cawlcaang cio lai. Kan ralkap pawl, kan in dirpi ko hna – teinak lam ah Pathian min in van kan hruai hram ulaw.Credit-Van Nun Lian

Be the first to comment

Leave a Reply

Your email address will not be published.


*