Kani PDF le Min Kin PDF hna i bawm in ralhrang he i kahnak ah ralhrang 10 nak tlawm lo an thi tam ngai hliam an si Chindwin tiva ah a rak ra mi thazaang 80 hrawng rallhrang tilawng 2 cu Kani PDF le MinKin PDF hna i bawm in an kah hna i ralhrang 10 nak tlawm lo an thi i tamngai an hliam hna tiah theih a si. Nizaan September 29 zaanlei ah ralhrang mawtaw 2 cu Min Kin peng Anoh Taw khua pawng ah,.
Kani PDF le Min Kin PDF i bawm in an kah hna . Kaphnih kahdohnak a chuak ,hi kahdohnak chung ah mipi ralkap hna nih Sniper in an kah hna i ralhrang lei in minung 10 nak tlawm lo an thi i tamtuk te an i hliam. Kahdohnak chung in mipi ralkap pakhat a hliam i a hliam hma thinphan tuk ding a um lo tiah Min Kin dohthlennak phu nih an langhter.
Sagaing ramtthen, Kalaymyo le Tamu khua kar, motor lampi cungah Min Aung Hlaing ralhraang pawl an cuannak motor cu tuzing suimilam 11:00AM hrawngah khan Kalay People’s Defense Force nih mine bomb in an puah hna. PDF-Kalay nih an puahmi rakhraang motor lak ah a lai zaw in kalmi motor pakhat cu aa hlorh hnu ah lamthlang ah a tla, hi bomb puahnak ah hin Min Aung Hlaing ralhraang lei in a tlawm bik pa 2 an thih hlei ah pa 3 nak tlawm lo hliamhma an pu rih tiah thawngpaang theih a si.
Kan theih cio bantuk in Zomi Revolution Army (ZRA) nih People’s Defense Force (PDF) pawl an kah lengmang hna timi thawngpaang le PDF-Zoland le Kalay People’s Defense Force hna nih ZRA le Ka Te hriamtlai phu pawl doh an timh hnanak kong te hna zong social media cungah a hung phan ngai, hi kong he ephtlai in ZRA ralbawi zik simi Ma Sun Zo Thang sin ah bia halnak an tuah tik ah a tanglei bantuk hin a leh hna.
ZRA nih PDF pawl kan do hna lo, ZRA cu NUG cozah a cohlaang tu le hmunkhat ah rianttuan tti ding in hnatlaaknak a neimi hriamtlai phu a si bantuk in NUG cozah lei in Defense Minister simi U Yi Mon he le Zomi Political Co-cordination Committee zong ceihmai nak kan nei ko. PDF timi cu Kawlrawn lei ah a cawlcaang dingmi an si i tlangcung ah cun tlangcung hriamtlai phu kan um cang ko caah PDF timi hriamtlai phu hi dirh a hau lo tiah kan chim, cun Zomi National Volunteer zong kan dirh,
Kan mah kan cawlcanghnak hmunhma chungah zei bantuk hriamtlai phu hmanh nih ral dohnak tuah lo ding le thil pakhat khat tuah ding a si ah cun thawng rak kan thanh uh tiah a luan ciami June ni 17, kum 2021 ah khan thawngthanhnak kan tuah cang. A si nain Tedim peng le Tonzang peng chungah thimnak ah aa cuhmi palai cheukhat hna le Chin ramkulh pumpi uk dih a duh tu hriamtlaiphu cheukhat an cawlcanghmi cungah thanhca kan rak chuah cia bantuk in dantatnak kan tuahmi cu an um,
Cun ramdang lei bawmhnak pekmi cheukhat hna le Mizoram cozah, Mizo Natioan Front Policy cheukaht ruangah kan mah Zomi miphun pawl tu tthen cheukhat a chuah te caah dantatnak kan tuah hna. Mah hna hi NUG cozah nih a dirhmi mipi vengtu ralkap an si lo i Myanmar ram buainak hi caanttha ah la in Zomi Revolution Army le Zomi miphun hna kan i funtomnak hrawh duhnak lungput nei in PDF tiah min aa bunhmi an si caah dantatnak kan tuah hnami si, mipi vengtu ralkap simi PDF tu cu zei tik hmanh ah kan kap bal hna lo.
Kan mah ZRA/ZRO zong nih hin kan ralpi simi Mi nAung Hlaing ralhraang pawl hi a dihdongh tiang doh kan i tim ve ko i tlangcungmi hna kan covo simi mah tein nawl neihnak le i uk khawhnak le Federal Democracy hmuhnak ding caah a zungzal in a cawlcaangmi kan si, kan ram tthatnak, sipuaizi le ramkhel kongah kan i tinhmi hna zong pehzul tein kan tuah ko lai. Raldohnak lei ah ZRA/ZRO hmunhma simi Tedim peng, Tonzang peng le Kalay-kabaw hrawng ah ummi Zomi miphun hna an umnak ah,.
ZNV timi pituhsit training pe in ralhraang dohnak ding caah faak piin kan i zuam koraldohnak lei kong he pehtlai in a poi ngaimi thil pakhat cu NUG nih PDF an dirh hnu ah ZRO/ZRA hmunhma chungah hriamtlai phu dang an hung chuak thluahmah. Mah hi ZRO/ZRA le NUG ralkap hna hmunkhat kan cawlcanghnak ah dawnkhan tu ah an hung can ruangah NUG lei zong nih an ralkap hna kong he ephtlai in policy an remh a hau lai, ZRA timi hriamtlai phu hi Myanmar rampi democracy a hmuh khawhnak ding caah Zomi miphun hna sipuaizi tthatnak ding caah dirhmi hriamtlai phu a si bantuk in mipi lei nih thazaang zong rak kan pe rih uh tiah nawl kan duh ko hna tiah Ma Sun Zo Thang nih a chimi cu si. Chin24 Saven News
Leave a Reply