Loikaw kahdohnak ah Kawl Ralkap 30 hrawng an thi i 30 hrawng hliamh – September 29| Kayah Ramkulh, Loikaw Peng khuate ah kahdohnak a fak, Kawl Ralkap lei in minung 30 an thi i 30 hrawng an i hliam. Hi kahdohnak ah PDF in minung 4 le KNDF in ralkap 1 an nunnak a liam ve, tiah Kanrenni Nationalities Defense Force (KNDF) nih an thanh.
Karen National Union tang ah cawlcaangmi Karen National Liberation Army (KNLA) le Min Aung Hlaing ralhraang pawl kar ah a chuakmi kah dohnak ah KNLA lei nih ralhraang hna sin in an laak khawhmi hriamnaam pawl an vun langhter tthan, mah bantuk video vun hmuh ah hin mipi lei kan lungfahnak a dam deuh ngai ngai.
Min Aung Hlaing le a ralhraang pawl nih mipi thimmi cozah sin in uknak an laak hnu in tuni caan tiang ah KNU le ralhraang pawl kar ah kahdohnak voi 80 deng a chuak cang, hi voi 80 deng a chuakmi kah dohnak ah hin an mah KNU ralkap lei zong in ram le miphun caah nunnak petu ralkap an um bantuk in ralhraang lei tu cu a thimi an tam ngai ngai.
Ralhraang pawl nih hin thazaang tampi he KNU nih an controlnak hmunhma chungah an va luh hnawh lengmang hna ruangah kah dohnak hi nifatin nawn tluk in a chuak, caan ah cun ralhraang lei ttang BGF pawl he zong in an va luh hnawh tawn hna nain kahdohnak ah a thimi hi ralhraang lei in an tam peng.
Cun caan ah cun KNU kan do an tinak ah an mah Min Aung Hlaing ralhraang pawl le BGF hna an i kap sual i tamlak te an thi, tu bantuk in KNU nih ralhraang pawl sin in an laakmi hriamnaam an langhter lonak hi a sau pah cang,
Leave a Reply