CDF le YDF i Bawm in SAC Ralhrang he Kahdohnak ah Ralhrang 20 Hrawng an Thi, CDF in Minung 8 Hliampu – Nihin (Sep. 6) zaanlei sml. 4:00 hrawng in Chinram le Magwe ramtthen ramri, Saw peng chung ah CDF-Kanpetlet le Saw mipi hriamtlai bu YDF-Saw i bawm in SAC ralhrang he kahdohnak a chuak i ralhrang 20 hrawng an thi, tiah CDF nih thawngpang an chuah. Nihin zaanlei kahdohnak hi suimilam pahnih hrawng a rau i, CDF in minung 8 hliam (fak lo) an pu. YDF in minung 3 hliam (fak lo) an pu ve hna. The Chin Journal
Kan ram chung khrihfabu le ramkheel party chungah reform tho ah ahau ko 1. Khrihfabu ah reform tuah kan hau. Ning cang loin a cawlcang mi hruaitu, miphun le ram caah khua ruat kho lomi, ramkheel lei ah a thluak tli lo mi le mino bantuk in a raltha lomi, akhul nuar tuk mi nih khrihfabu hruaitu tuan ti hlah seh. Pathian atih i dinnak atanh i araltha mi mino, vawlei cung kili deng a cul kho mi mifim thiam an tam pi ko.
Ramkheel: Kan ramchung ramkheel nak lei ah hruaitu thutden hi kum upa ( 60-70) kar nih an lak dih ngawt, ramkheel ruang buainak achuah tik ah hmai suang ngam mi an um fawn lo. Thutden cung thut khi ramkheel thiam ah an i ruat. Cucaah zabu 21 mino hna cu fimnak phuntling le dinnak, ralthatnak, ramkheel lei ah vawlei cung level in tlik aa zuam kho mi mino an tam pi cang, hi bantuk mino nih ramkheel zong kan hruai cang hna seh. Khrihabu ah siseh, Ramkheel party ah si seh reform tuah kan hau ko. Mumal ngei loin khua khang tu hruaitu hi an rian in i din pah hna seh law tha lai. _ Lairam Laipa
Kawlram chungah a luancia August thlachung ah puahkehnak a chuak mi dihlak hi voi 134 tiang a cang, cu puahkehnak chung ahcun nunnak liam mi dihlak hi minung 22 an si. BBC nih checkhlatnak an tuah mi chung le cazin an tuah mi ah nunnak a liammi hna tamdeuh cu, ralhrang phu chungtel an si, cun khuachung mipi lei zong in an si i, cozah riantuan pakhat le ralhrang sin thawngpe tu tiah ruahmi pakhat zong a tel.
Puahkehnak a chuahnak hmun tamdeuh cu palik riahbuk le ralhrang nih mi checkhlat an tuahnak gate hna an si, cun ralhrang phu hna he pehtlai mi zung, sipin zung le sanguk tu zung hna an si. Kawlram chung puahkeh a chuahnak hmun chungah Yangon khuachung in voi 50 leng tiang puahkehnak tambik a chuahnak hmun a si. Cun a pahnih nak ah Magway ramthen hi a si.
Cun puahkehnak tambik a chuahnak ramthen cu Sagaing ramthen le Mandalay ramthen hna an si. Cun a luancia thla chungah ramchung nam in thah/nawn nak le meithal kahnak in nunnak liammi dihlak hi minung 120 hrawng an si. Cu chungah cun ralhrang phu chungtel hna le, khuachung upa hna le, USDP party chungtel hna, ralhrang sin ah thawngzamh tiah ruahmi hna le khuachung mi hna an i tel. BBC, the Chin Post
Leave a Reply