Ralhrang phu motor bomb puahhnawh an tong, minung 30 leng an thi Mandalay ramthen, Tapaihcin peng mengthum pawngah nizaan October 6, zaantim suimilam 12:30 hrawngah ralhrang phu hna motor cu bomb puahhnawh in doh an tong tiah theih a si. Cu ralhrang phu motor cu Thichait mizapi vengtu ralkap le Tapaihcin phu fonh nih doh in bombpuawh a si, ralhrang motor pakhat a kang tiah Thichait mizapi vengtu ralkap phu sinin theih a si.
“Bomb puahhnawh an si hi zaantim suimilam 12:30 hrawng ah a si. Ralhrang motor pakhat cu meinih a kangh caah a rawk, a thi mi le hliamhma tuar mi hi minung 30 hrawng an si, fianghlang in cun theih khawh a si rih lo” tiah a chim. Cun ralhrang phu hna cu bomb puahhnawh in doh an ton hnu zinglei suimilam 3:00 tiang cu ka hmun pawng hrawng an duhnak hmun ah meithal kahnak an tuah tiah a chim chap.
Cun ralhrang phu chungtel hna cu zinglei suimilam 6:00 hrawngah Thichait khua Tunglung motor lampi pawng ah pyituh hluatdaw U Mawng Mawng i dawr in thilri hna cu an lak hnu ah a inn cu an hrawh piak tiah theih a si. Thichait mizapi vengtu ralkap phu hna cu October 3 le ni 4 ni ah ralhrang phu hna an umnak cu meikhangh in an hrawh cun, ralhrang phu motor zong atu le tu bomb puahhnawh in dohnak an tuah. The 74 Media
Kawhmu PDF Le Ralhrang Kar Kahdohnak ah Ralhrang 1 Thi,6 An I Hliam Rampi ruahnak petu Daw Aung San Suu Kyi vote petu Yangon ramthen,Kawhmu peng ah Kawhmu PDF le ralhrang kar ah kahdohnak a chuak i ralhrang lei in minung 1 a thi,6 an i hliam tiah theih asi. October 6 nizaan suimilam 7:30 ah Kawhmu peng Hmiotaw khua um Pyo Saw Thi hna nih mi an cheknak gate cu Khawmu PDF nih an kah i Pyo Saw Thi 3 hliam an tuar.
Mah hnu ah ralhrang hna cu kahdohnak a cannak hmun ah an rak ra i Kawmu PDF nih Kyauk Thaw in a rak kai mi ralhrang mawtaw cu bomb in an kah hna i kaphnih kahdohnak a chuak ralhrang 1 athi, 3 an i hliam. Ralhrang lei in hliam a tuar mi 3 chung in ralbawi pakhat cu avang kam ah kuan nih a ken i Kyauktaw siizung ah an thlop i a tang mi hna tu cu an kut le an ke ah kuan nih a khenmi hna an si.Hi kahdohnak he pehtlai in zahan zaan ah Wathik khua mino 6 an tlaih hna. – KTM Flowery Par
luak lei ngamdam lo a um mi a nau nu caah eidin chanh ah a kal mi Thantlang khuami an kahthah Ador mi Thantlang khuami hna eidin an harh leng ah Covid zawtnak hna an i chawn tiah an chim. Kahdohnak ,kahthahnak le inn hna meikangh ruang ah khuapi ti tluk in a zaam mi Thantlang khuami hna cu an inn ah chikkhat an tin kar ah ralhrang an hna tiah khuami hna nih an chim.
Nizaan October 6 zong ah Thantlang khua chung ah a taang mi tluaklei ngamdam lo mi anau nu caah eidin ava pek pah ah khuami pakhat cu ralhrang nih an rak kah ruang ah a ban ah kuanhma ahliam tiah Chin Human rights Organization nih an thanh. Kah a tong mi pa cu a hliam hma he a zaam i a luat.Hi ni thiamthiam ahcun Thantlang inn ah a tantak mi thilri la ding ah a kal mi hna zong khua chung an luh bak ah an kah hna i an zaam than tiah an langhter.
Khuachung kahdohnak meikanghnak ruang ah khuami an zaam i a zaam kho lo mi minung 10 hrawng lawng an tang tiah khuami hn nih an chim. A pawngkam khua hna ah a zaam mi Thantlang khuami hna cu eidin ti rawl an i harh leng ah Covid zawtnak a chawn mi hna an um caah harsa ngai in kan um tiah Thantlang khuami hna nih an chim. BBC
Leave a Reply