Tuni Chin Ram Ah CDF Le Ralhrang Fak Ngai An i Kap

Chin ramkulh, Mindat Khuapi chung ah CDF-Mindat le SAC Uico ralkap karlak ah faak ngai in kahnak, raldohnak a chuak cuahmah tiah Than Lwin Khet News nih a tarlangh. SAC ralhrang nih Thantlang khuapi an khangh mi lehrul chamnak ah Mindat CDF nih khuapi chung ah an kaah ve hna hi a si tiah a langhter fawn. “Zaanlei suimilam 3:00PM hnu hrawng khan kahnak thawngpang, Meithal le Bomb thawngpang pehtlai in kan theih.

An i kahnak hmun hi Mindat khuapi chung, a bik in Sizung pawng hrawng ah si dawh a si, Meithal le Bomb thawngpang hi Sizung pawng lei veng hrawng ah a si bik. Khua mi pawl zong an thinphang, an i thup nawk dih, cu caah thawngpang fiang in hal awk an tha rih hna lo” tiah Mindat khua mi pakhat, a zaam mi nih Than Lwin Khet News sin ah a chim hi asi. Nihin kahnak hi KHuapi chung ah a si.

Cu caah SAC ralhrang nih Thantlang khuapi an khangh mi lehrul chamnak ah an kah mi a si theu lai tiah khua mi pakhat nih a zumhnak a chim hi a si. Hi kong he pehtlai in Chindwin News Agency nih “CDF-Mindat le SAC ralhrang karlak kahnak hi chun suimilam 2:00PM hrawng in aa thok, atu zong kahnak a um cuahmah lio a si. A thi le hliamtuar kong zeihmanh theih a si rih lo” tiah a langhter ve. Source: Than Lwin Khet News, Chindwin News Agency

Nizaan October 30, 2021 ah khan Matupi peng, Ngalaeng khua mi mino (12) hna cu SAC ralhrang nih an tlaih hna tiah Chindwin News Agency nih a langhter. Matupi Revolution News charhchan in Chindwin News Agency nih mirang ca in a hun langhter chap ve hi asi. Ngalaeng khua hi Matupi Khuapi in 10km hrawng a hlatnak ah a um mi a si i an khua mi dihlak ti awk in ram lak ah an zaam dih ti asi.

Cun CDF-Matupi le SAC ralhrang karlak ah kahnak zong a chuak i cu ahcun SAC ralhrang lei a tlawmbik ah minung(5) an thi tiah Matupi Revolution News nih cun a tarlangh. An i kahnak hmun hi Matupi khuapi in meng 9 tluk a hlatnak, Matupi le Paletwa karlak motor lam ah a si tiah Chindwin News Agency nih cun a langhter.

Nihin zaanlei zong ah khan CDF-Mindat nih SAC ralhrang pawl cu Mindat khuapi chung ah an kah ve hna tiah theih a si. SAC ralhrang nih Thantlang an kangh mi lehrul chamnak caah CDF-Mindat nih Khuapi chung ah kahnak an tuah ve hi a si tiah ruahdamh a si. Mindat-CDF le SAC ralhrang kahnak tu cu atu tiang a dai rih lo.

Be the first to comment

Leave a Reply

Your email address will not be published.


*