Nihin September 28, 2021 ah Chinland Defense Force-Hakha (CDF-Hakha) le Kawl Ralhrang karlak kahnak a chuak, kahnak ah ralhrang lei pahnih cu a hmun ah an thi colh tiah Chindwin News Agency nih a tarlangh. Hi kong he pehtlai in Chindwin News Agency nih “Hakha khuapi cu nihin zinglei suimilam 11:00 a.m in ralhrang nih Bomb an puah cuahmah. Zing suimilam 11:00 a.m in zaanlei suimilam 5:30 p.m tiang ralhrang lei nih Hakha khuapi chung ah Bomb le Meithal an puah len hi a si” tiah a langhter fawn.
Cu lawng si loin “Hakha khuapi pawng ah Chinland Defense Force-Hakha (CDF-Hakha) le ralhrang karlak kahnak faak ngai in a chuak. Ralhrang lei hi thazaang 100 leng an si. Cu kahnak ahcun ralkap lei pahnih an thi” tiah a tarlangh fawn hi asi. Note: Hi thawngpang hi Chindwin News Agency nih Mirang in a tial mi asi. Laica in Translate kan tuah chawm mi a si caah palhnak, a tlin lonak a um ahcun kan theithiam hram uh. V. O. M Journal
Tuchan cu technology zong a sang chin bantuk in ngakchia zong hi an tleirawl a tuan tuk cang. Kum-10 hin cun preteen tiah an auh cang hna. Tleirawl zoh in zoh an si ve cang. Cu caah fa le hi an dirhmun zohpiak thiam ngai ahau ve cang. Nu le pa belte nih hin kan dawt tuk hna nak ah ngakchia zoh in kan zoh tawn hna i zei hmanh mah ten i tuah kho lo lak in kan dawt tawn hna. Mah hi a si awk a si hrim loh. Anmah le kum rup tete in an tuah khawh ding a um ko. Cu hna cu atang lei bantuk hi an si hna.
1. Anmah ten i khawlh ṭawl le hni puan an i hruk eih khawh cang ding a si.2. Anmah ei khim tirawl an i tuahto khawh cang ding a si. A hleice in breakfast tel cu an i tuah khawh cang bak ding a si. 3. Laundry tuah le sukcia mi bil le an mah le chiah nak ah chiah an thiam cang a hau. 4. Hnawk-hnai an tuah khawh a hau. Vaccum sual le hnawm hlonh le anmah neh nang fim hlawm cu an tuah khawh a hau.
5. Anmah le inn-khan thiang tein an chiah thiam a hau. Ei nak kheng ih nak i chiah le boot-ka-denh le hmaw ca ih khun tang i chiah ti bantuk cu hman ter lo bak ding. 6. Emergency thil a um tik ah, 911 auh le an i khawn sual tik ah mah ten i tuam hlawm le band aid i benh an thiam cang a herh. 7. Ngakchia an i hak tik ah chuah piak dan le midang bomh hal awk an theih a hau.8. Traffic zoh dan le lamtan dan an thiam a herh.
GPS zoh dan zong an thiam a herh. Inn le sianginn kar kee in lawi kal dan le bus in lawi kal dan an thiam a herh. Mawṭaw in thlah don mi an si ko zong ah. 9. Phaisa man a ngeih zia an theih a herh. Thil man fak le din le dawr khat le khat thil man aa dan nak cuai thlai dan an thiam a herh. 10. An pum kong an fian a herh. An pum le sining aa thlen lai nak an theih cia a herh. Nu si nak le pa sinak aa dan zia ṭha ten an fian a herh. Tuai tam an ton lo nak ding ah an pum an ven thiam a herh. Ref: ww.Parents
Leave a Reply