Tuni Ah ralbawi Tam Taktak An thah Hna

Commander of Southeast Division ralbawi khualtlawnnak ah security lak piak tu ralhrang phu hna motor cu DKBA phu nih an kah hna caah Bugyi tel in minung 4 an thi, G1 reng ngei pakhat a phei ah an hliam Kayin ramkulh, Gawhkayet, khua pawng lamthluan ah Buchoh Ko Ko Mawng khualtlawnnak caah security lakpiak tu ralhrang phu hna cu,.

DKBA phu nih nihin zinglei suimilam 9:00 hrawngah an doh hna caah ralhrang phu lei in minung 4 an thi. G1 reng ngei mi pakhat cu a phei ah meithal kuan nih a hliam, DKBA lhu lei in hliamtuar an um lo tiah theih a si. Buchohgyi Saw Kyaw That nih hruaimi DKBA phu in Gawhkayet -Kyaitdung Asia lam tonnak pawng lei ah ralhrang phu hna,.

Commander of Southeast Division ralbawi khualtlawnnak ah security lak piak tu ralbawi khualtlawnnak ah security la tu ralhrang phu hna motor cu DKBA phu nih lampi ah an doh hna hi a si. Cu kahnak a can hnu ah ralhrang phu hna nih hriamhme le hriamngan hmang in an kahdoh hna caah cu ka hmun pawng hrawng ummi mizapi hna umnak inn cu kuankhen in an rawk tiah theih a si. Khit Thit Media

Magwe ramthen, Saw peng,Kyaukthuh hmunhma ah ralzaam caah rianrang in facang an herh caah facang tun 100 cu a ba in kan cawk i kan pek hna tiah Kyoukthu ralzaam tlangtla tu committee nih an thanh. Aba in cawk mi facang tun 100 cu nizaan ah a rak phan ralzaam le a leng inn hna mipi hna cu kan phawt hna tiah committee nih theihternak an tuah.

Facang caah bawmtu an um nain tun 100 man a tlin rih lo caah an sak cang mi ralzaam riahbuk zong ah minung an khat cang nain sak chap a si rih lo caah minung thar ralzaam thar kan cohlan rih lo dirhmun kan si tiah theihternak an tuah. Ralzaam cheukhat zong riahbuk ah hmunhma an i zat lo caah phaisa hmuh nak um lo lio ah inn hlan in mah taangka tein an ei an ding.

A thla te lawng a si rih mi ngakchia le nu nau lawi lio hna zong an har tuk tiah committee nih an chim. Kyoukthuh hmunhma ah ralzaam hna April thla thawk in an um cang nain inn man le eidin ah an har tuk caah August thla thawk in cheukhat cu Mindat ah an kir than . Atam deuh cu an taang i atu khua chung ah kahdohnak a um than i Kyoukthu ah an rak rat than hi tiah Kyoukthu ralzaam tlangtla tu committee nih an langhter.