Tunai Te Bak Ah Fakpi In Kah Doh Nak A Chuak Than

Karenni ramkulh, Demawso pengkulh, Mandalay ramthen, Ngazun myone le Sangaing ramthen, Htigyaing myone hna ah ralhrang phu le local People Defence Force phu kar kahdohnak a chuak i ralhrang phu lei in 42 an thi tiah Local People Defence Force phu pawl nih thawngthanhnak in theih a si.

Demawso myone chung i nihin kahdohnak ah Ralkap ralhrang phu 17 an thi tiah Kereni National Defence Force phu nih
thawngthanhnak an tuah hi a si.Demawso myone, Htihluibila khua pawng, Thetaung ah Phruso lei in a rak rami Ralkap ralhrang phu cu Karenni Army phu le Karenni Defence Force phu fonh nih an kah hna.

Nihin zinglei suimilam 10:30 am in zanlei suimilam 7 pm tiang kahdohnak fah a chuak i, Ralkap ralhrang phu lei in minung 14 an thi i, 5 nih hliamhma fahpi in an tuar tiah theih a si. Cu bantuk thiamthiam in Karenni ramkulh, Demawso myo, Ngwetaug Se pawng, Shweyauk sang ah kan hnu December 31 ni, in nihin January 3 ni tiang Ralkap ralhrang phu le People Defence Force phu fonh karah kahdohnak fakpi a chuak i,

Ralkap ralhrang phu lei in a thimi an tampi tiah theih a si.January 2 ni, Shweyauk kahdohnak ah Ralkap ralhrang phu lei in minubg pa 3 an thi tiah Karenni National Denfence Force hna sin in theih a si. Young Fighters Peole’s Defnce Force si. Cu bantuk thiamthiam in Mandalay in Ayeyarwaddy tiva thluang ah a suaimi Pungia le Pyadar Shin tilawng hna cu Ralhrang ralhrang phu nih an thilri phurnak ah an hmang i hriamnam le raltuknak thilri dangdang pawl phur in an rak kai lei ah an kah hna.

Htigyiang People Defence Force phu le Kathar People Defence Forc phu fonh nih Sniper, hriannam ngan le hriamnam hme hmang in an kah ciammam hna i Ralkap ralhrang phu 10 hrawng an thi i thetse lak ah an vui hna ti si. Cu ni zanlei suimilam 5:35 pm hrawng ah Ralkap ralhrang tilawng 2 cu Kathar khuapi lei ah aa din i, cu tilawng hna cu Shinkar, Bokung hna zong ah People Defence Force phu nih an kah hna tiah theih a si.

Be the first to comment

Leave a Reply

Your email address will not be published.


*