Tuluk Ram Ah Khuaruah Har Taktak Thil A Tlung-Khuaruahhar News

China Ram Ah khuaruah Tar Taktak Thil A Tlung

China ram Zhoushan  ah khuaruah har taktak mi thil a tlung. China ram Zhoushan ah van cu  ruah lo piin a sen(Thisen) muici in aa thleng i, mipi pawl khua ruah har in a tuah dih hna tiah theih a si. Cheukhat ram hna zong nih van ah khua ruah tuk a si mi van muici aa thleng mi cu an hmuh tiah theih a si.

Mah thil a caan nak hi May ni 7, 2022 ah a cang mi a si tiah theih a si. Hmanthlak zongah van muici a sen zong in a um mi khi na hmuh ve lo lai, Mah thil a caan rungah China mi khuaruah har taktak bakin a chiah dih hna theih  a si.

Mah bantuk in thil a caan mi phiang kum voiklhat tibantuk in a caan caan te lawng ah a cang mi a si. Crd- Post News Media

Relchap, Kayin ramkulh, Pharusu (ဖရူဆို) le Shataw (ရှားတော) pengchung kahdohnak ah SAC ralkap 6 an thi i, hriamthil zong zeimawzat tualchung hriamtlai phu nih an lak, tiah theih a si. Nihin May 8 zinglei ah Shataw (ရှားတော) nichuahlei Tanlwin tiva kam Tatamaw(တာတမော) sakhan ah ummi khah-mah-yiah 428 le KA hna cu minutes 30 tluk an i kap. Cu kahdohnak ah cun SAC ralkap lei duh-tat-yin-hmu telh in SAC ralkap 6 an thi, tiah KA nih an thanh.

Nizan May 7 zong ah khan Pharusu (ဖရူဆို) peng Makharaw (မာခရော်) khua le Lawjaykhu(လောကျေခူ) khua kar ah riahcaw a phortu SAC ralkap cu KA, KNDF/B-04, KNDF/B-15 nih an kah hna i cu kahdohnak ah cun SAC ralkap motor 4 meikhangh in an hrawh lengah SAC ralkap 30 leng an thi i, hliamhma tuar zong an tam lengah hriamthil zeimawzat an laak, tiah an thanh.

KNU hmunhma Gawtulay (ကော်သူးလေ), April thlachung kahdohnak ah SAC ralkap le BGF 356 an thi, tiah KNU nih a thanh. KNLA, KNDO phufonh le SAC ralkap kuttang um BGF phufonh hna cu April thlachung ah voi 507 an i kap i, cu kahdohnak ah cun SAC ralkap lei in minung 350 leng an thi i minung 200 hrawng nih hliam an tuar, tiah theih a si.

Cu kahdohnak ah cun KNLA, KNDO phufonh in minung 15 an nunnak a liam i, minung 35 cu hliamhma an pu, tiah KNU nih an langhter. Kahdohnak voi 500 leng chung ah, voi 400 hrawng cu KNU brigade 5 hmunhma Phapun pengkomh ah a cang mi a si. KNU brigade 5 nih May 5 cathanh a chuah ning ah Phapun pengkomh April thlachung kahdohnak ah SAC ralkap lei tat-yin-hmu pakhat telh in Minung 173 an thi i, minung 90 hrawng hliam an tuar.

SAC ralkap nih nawlngeihnak an lak hnu in Kayin ramkulh um KNLA le SAC cu nifatin ngawt in an i kap i, thlakhat chung lawng hmanh ah kahdohnak voi za leng a chuak. Cu kahdohnak ah cun SAC ralkap nih vanlawng zong an hman, tiah theih a si. A luancia March thlachung zong ah Kayin ramkulh ah cun kahdohnak voi 510 a chuak, tiah KNU nih cathanh an chuah. KNU hmunhma Gawtulay (ကော်သူးလေ) kahdohnak ruangah tualchung mi singkhat leng cu ralzaam dirhmun an phan, tiah tualchung ralzaam bawmchantu hna nih an chim.