Tuluk Ram Ah Covid-19 Zawtnak A Zual Tuk Cang Caah Millions 24 Umnak Gyi Lin Ramkulh Cu An Lockdown!

Tuluk Ram Ah Covid-19 Zawtnak A Zual Tuk Cang Caah Millions 24 Umnak Gyi Lin Ramkulh Cu An Lockdown!

Tuluk ramah March 15 ah khan nikhat ah minung (50000) bak covid zawtnak ngeitu hmuhchuah an si tiah nawlngeitu nih cathanh an chuah i, a tambik cu Gyi Lin ramkulh an si caah millions 24 bak umnak cu lockdown an tuah.

Gyi Lin ramkulh dihlak le technology hmunhma bik a simi Shan Cian hmunhma le cuka ummi mipi dihlak telh in ramchung miliion tampi nih atu ah hin covid zawtnak ruangah lockdown an tuar. Atu baktukin covid-19 zawtnak ruangah lockdown an tuah tikah Tuluk ramchung ah a ummi ramdang company hna zong an riantuanmi zong an i din tiah theih a si.

Covid-19 zawtnak ruangah lockdown an tuahnak thawngin a biapi tukmi le a herh taktakmi bawmhchannak hna hi an i pe kho ti sual lai lo timi thinphang in an um.

Crd: Voice of Myanmar

Kalay Thomginn Ah Thongtlami (7) Hna Cu Zaam An I Timh Caah Kan Kah That Tiah Ralhrang Nih Cathanh Chuah, Thongtlami Le Thong Zohkhenhtu Karlak Biaelnak A Chuah Ruangah Kah An Si Tiah Thawngpang A Chuak!

meithal in an kah thahmi hna cu: Van Dam, Myo Min Htun, Win Ko Naing, Maung Ngi, Chian Min Ko, Toe Khine, Myo Win Aung hna an si i, zaam an i timh caah kan kah thahnak a si tiah SAC ralhrang ralkap nih cathanh an chuah.

SAC ralhrang ralkap nih cathanh an chuahmi ahcun Van Dam hruaimi phu minung (50) tluk nih thonginn ngeitu/zohlhenhtu hna cu tlaih in zaam an i timh ruangah meithal in kan kah thahnak a si tiah an chim.

Yangon Khin Thit thawngzamhnak nih cun tlaih a tongtu hna cu ramkhel ruangah tlaihmi an si tikah thonginn ngeitu/zohkhenhtu hna he ihmuhthiamlonak a chuahnak in ralhrang ralkap nih meithal in an kah thahnak a si i, pehzulh in kah thah a tongtu an um hna caah a tlawmbik a thimi le hliam tuarmi (30) tluk an um kho i, atu ah hin thonginn chungah ralhrang ralkap nih fak tukin an hrem hna i, meithal in kah that a tongtu hna le tlaih a tongtu hna hi PDF an si.

SAC ralhrang ralkap nih hrokhrol in atu bantukin cathanh an chuah. SAC ralhrang ralkap nih an postmi hmanthlak ahcun meithal in kah that a tongtu cheukhat cu an lu ah timhciam tein an kahmi a si.

ASEAN Special Palai He Ton Biaruah Ding Kahdohnak Daihter Ding Cah SAC Ralhrang Nih Tlangcung Hriamtlai Phu Caa A Kuat

March thla ni 20 ah Myanmar a rak phan hnga ding Myanmar kongkau he pehtlai in ASEAN Special palai a si mi Cambodia a pahnih nak vuanci le ramkhel vuanci a si mi Prak Sokhonn le kahdoh daihter, tlang cung hriamtlai phu kar ah ton biaruah nak tuah ding ah SAC ralhrang lei nih tlangcung mi ca an kuat hna tiah theih a si.

Kahdoh daihnak min athu mi tlangcung hriamtlai phu i ram daihnak nak lam hruai mi phu (PPST) in sam mi a si tiah sawmnak caa ahmu mi phu nih a chim. Kawlram chungah kahdoh daih tlangcung hriamtlai phu 10 an um.

” ASEAN Special Palai he ton biaruah ding ah sawm mi a si” tiah sawmnak ca ahmu tu phu khat sin in theih a si. Myanmar ram ah a voikhat nak bik in a rak phan hnga ding ASEAN palai zong nih Myanmar ram chung ah a um mi phu fonh dih lak he ton biaruah nak ngeih dingah in timhlamh nak a ngei.

SAC ralhrang lei nih NLD tel in ramkhel party phu pawl he tonnak nawl kan pek hna lai tiah an chim i thawng chungah a um mi le, Sahrang tiah ruahmi pawl he ton nak nawk kan pek hna lai tiah SAC ralhrang lei nih an chim.