Tuluk Nih A Uite A Tlawng Lai!!

Tuluk Vuanci Wan Yi Kawlram A Tlawng Lai
=============================
Vawleicungpi ramhna nih phihkhamnak atong cuahmah lio mi SAC ralhrang sinah Tuluk PM Wan Yi tuthla a dih ah Kalwram a tlawng lai tiah theih a si. Wan Yi cu Lai Chan-Mekong ( လဲချန်း − မဲခေါင်) fonhin riantuntinak ramdang vuanci pawl toanbiaruah ceihmaitinak ding caah Kawlram a tlawng lai tiah SAC ralhrang in chimnawl ngeitu Zaw Min Htun nih AFP thawngzamhah a chim a chim.

Mah a khual tlawnnak ah SAC ralhrang hruaitu he tonnak an ngei lai tinak kong cu aa techia rih lomi a si tiah SAC ralhrang in chimnawl ngeitu Zaw Min Htun nih a chim. Tuluk cu Kawlram ah SAC ralhrang nih hramhram in uknak an laaknak kongah an sual a hmu piak lo tu a cohlang tu ram pakhat a si. Mah tonbiaruahnak cu July thla ni 2 ah tuah a si lai ii Cambodia, Laos, Thainand le Vietnam ram hna zong an i tel ve lai tiah theih a si.

Relchap, Sakap pa nih Sakhi bawhnak caah Ram Ar cu a awn ter tawn. Ramsa an ra le a kahthat ve bak hna. Cucu Kawl nih တည်ကြက် an ti. Sio rawl / Mangkhawng / Rap ah an hmang. ASEAN Hotu Cambodia PM Hunsen nih ASEAN biakamnak (5) a tlamtlin khawh ti lo kha a hngalh. A tlamtlin lai zong a zumh ve ti lo. ASEAN Special Envoy cu Cambodia Ramdang Vuanci asi. Rallokap nih ASEAN Palai le Kan Pi Suu ka tawn ter hna lai lo tiah an thanh chap. Xi, ASEAN, MAH nih Kan Pi Suu kha siorawl ah chiah in Ramkhel ah lente an I celh tu asi.

Inn thong a tla ko mi Kan Pi Suu cu Humhimnak a ṭhalo caah Nipidaw thong Inn ah kan chiah tiah Rallokap nih an thluak an chuah mi asi. Zeiram hmanh nih an hal ballo mi kha ASEAN Palai pa nih a hal. Kan Pi Suu kha a Inn ah ṭhial ṭhan uh a ti. Khua te fa hna Ceep kah / Naa Kap / Rai maw rai lo ti I celh phun in thil an tuah. Vawleipi minthang uktu ciammam.

MAH nih a cohlan ahcun Cambodia Limhang a cawi lai. Tuluk Xi zong mi taw karlak ah aa tenh mi aa rel deuh cang lai. Tuluk Company Wanpong cu PDF nih an tuk colh. Kan Pi Suu an tuahto mi a ṭha lo ruang bak ah asi ko. Kan Pi Suu hi Ramkhel Lentecelh nak men ah an ruah mi hi an palh nak asi. Mipi le PDF an thin alinh chin chin ti hi tuak awk an philh mi asi.

Kawlram mipi nih kan duh mi Ramkhel sining le thildik kha, Pekin Xi le Phanompin Hunsen chimh lo, amah MAH pumpak hrim nih theihfian dawh asi lo. Khuaruahhar minung ti cu anmah pathum hi an si lo. Rallokap in Uknak sersiam ding ah Mipi kan thluak ṭawl an I zuam. Naisai hngah bak ve hlah. Ralhrang nih uk ve ve mi Tuluk le Cambodia chimh lo, aho ram I thluak ṭawlnak hmanh kha kan co hlan khawh lai lo.
ASEAN Palai le Cambodia PM nih an chimh lai I an duh lo ahcun (an I duh ter lai lo tinak): Tuluk an ra lai.

Cucaah Tuluk Ramdang Vuanci Mr. Wanzi cu Tuzar chung ah kawlram ah a ra lai. Tuluk nih Kan Pi Suu cu a Inn ah thawn uh ati lai. MAH nih aa duh ter lai I, Mipi an kan doh mi ngawl deuh hna seh, US, EU le Nitlak ram ah mit hmai ṭha hmuh a duh caah asi. Kei mah hi Kawl Cozah ah ka cohlan uh a ti hna lai. Ramdang ahohmanh nih MAH cu cozah na si tiah an cohlan lo caah, Kan Pi Suu kha siorawl an hmang bia khi asi ko.

Kawlte Rallokap hi tamtuk an thi cang. Ralhrang athih mi Cazin hngalh mi nak in hngalh lo mi an tam deuh lai. Piosawṭhi, Palik telin, Misual Damiah, Thongtla mi tiang in Rallokap ah an lut ter hna. Mandalay misual tleirawl hna cu aruang um loin an tlai hna. Rallokap ah an lut ter hna. Anmah tlaih tu cu mi pakhat caah 1000000 leng a hmuh ve. Rallokap ah lut ṭung loin Meithal a puak sawh mi Piosawṭhi rual cu dantat an si. Kuan man tampi an liam ter hna. An liam khawh lo ding in tampi in liam ding in an tuah. An lung dong ah Rallokap alut mi an tampi cang. Cucaah Rallokap piosawṭhi hi saupi an ngut te lai lo.

1962 – 2022 tiang zoh tikah, Harsat nak an tawn kip ah siseh, kan sung cang lai ti an I hngalh ah siseh, Rallokap nih dindaihnak tuah awk ah an ti lengmang. Cucaah MAH te ralhrang nih PEACE an ti mi Federal pek awk le PEACE ngai ngai an duh tak tak ruangah asi lo. An sung tuk cang, an thazang a der tuk cang, ti nak asi kan ti nak cu asi. Ho hmanh nih an kan khamh khawh ti lai lo ti an I hngalh poah ah PEACE ti cu Rallokap nunphung asi. Azei hlei khi asi lo.
<a href=”http://www.cherrypar.com/wp-content/uploads/2022/06/289532756_6082831221732622_3678498537461846399_n.jpg”><img src=”http://www.cherrypar.com/wp-content/uploads/2022/06/289532756_6082831221732622_3678498537461846399_n-274×300.jpg” alt=”” width=”274″ height=”300″ class=”alignnone size-medium wp-image-34716″ /></a>

EAOs, CNA / CDF hmuh ning ahcun: Auto Meithal a thong leng, Raltuknak Vanlawng kahnak 100 hrawng kan ngeih ahcun: Rallokap hi thluk cikcek khawh asi an ti ve. Hi vialte cawknak caah a tlawm bik USD 30 million a dih lai an ti. CJDC chungtel hi 18 an si caah CDF pakhat ah Ralkap 100 cio an um ah a za diam. 1800 an si lai. 1000 hi ral an doh zungzal lai. 800 cu reserve an si lai. Cucaah hriamnam nan kan bawmh khawh ahcun CHIN mi lawng nih MAH kan tei lai kan ti nak cu asi. Aruang um loin kan ti mi asi hrim lo. American nih CDF PDF le EAO meithal bawmh aa timh lo mi hi apoi bik cem cu asiko.

ASEAN lawng kha pressure apek. ASEAN biachahnak 5 tlinter, MAH le Suu Ci tawn ter, Kawlram ah democracy um ter ṭhan, Nuhrin covo um bak seh ti lawng hi American nih Kawlram caah a ngeih mi Policy asi. American hoikawm vialte le EU zong nih cucu an duh ve. Vauraung ah USD million 30 atlin ni cu MAH kan thluk ni asi ve lai.

Kawl Ralhrang Rallokap hriamnam bawmh bik tu Russia cu Ukraine ral ruang ah an bawmh khawh ti lo. Kawlram zungzal hoikawm Tuluk zong Ralhrang zong an bawmh I EAOs zong an bawmh tho tho hna. Cucaah Rallokap cu ruah ning tlukin an thazang aum ti lo kan ti nak cu asi. Tuluk Ramdang Vuanci Vuanzel cu MAH he aa tawn bangin NUG he aa tawn tho tho. Tuluk pipeline hrawk loding in PDF ka chimh piak uh ati. NUG zong nih an ti piak bak ve.

Tuluk Gas Pipeline veng tu ah a hram um AA le a zip um KIA cu Hriamnam le Phaisa he a bawmh hna. Kawlram Hriam Dohthlennak zoh tik ah a biapi bik mi a hram fekfuan ding dirhmun cu kan lawnh tuk cang. Kan hram zong a fek bak cang. Hoikawm ram um bak loin le Ramdang ahohmanh nih bawmh lo in nihin tiang a dir khawh. Ralhrang Rallokap tu hi bawmhtu relcawk lo an ngei. Rampi phaisa 50% cu hriam cawknak ah an hmang rih cu mu.

Rallokap hi mah kutke toh nun an thiam lo, EAOs le CDF PDF cu kutke Tohnun kan thiam cang. Dohthlennak ah Abiapi bik mi cu Mipi teltum nak le bawmhchan nak hi asi. EAOs nih Kan tei ballo nak aruang cu: tutan Bantukin mipi nih kan bawmh hna lo caah asi tihi Theory dih mi cu asi fam cuh.

Mipi cohlan nak le umpi nak ah MAH te Ralhrang Rallokap hi an bau bik mi cu asi. Dohthlennak kan tei le tei lo biachah tu cu: mipi kan si kha hngalh a herh. Cucaah mipi lung kan dongh ter ah cun kan sung bak lai. CDF nih cu cu zeitik hmanh ah philh lo awk asi lai.
EROs, CDFs, PDF an dirhmun zoh tikah an ṭhawng chin lengmang ko. Auto hriamnam, 60MM, Launcher phun phun le liang put Launcher tbk tiang an ser khawh cang.

An ṭhancho ning a ran bak ve. Mobile phone in lam hlat nawn in bomb rap chiah an thiam tuk fawn. Mino hna an fimthiam nak cu khuaruah har an si ko. Arau hlan ah Gyro Stabilized timi Dungci tiang an sersiam khawh lai tiah zumh cio an si. Gyro-Stabilization fimthiam nak an hlawhtlin ahcun: Rallokap miakpi chiah nak; Hriamnam chiahnak; Vanlawng datsi le diesel chiahnak; Helicopter, Jet Fighters, Tanks, Raltuknak motor lianpi le tampi tbk tiang in an hrawk khawh cang lai.

Amay Suu thongthlak nak Nipidaw tiang in lam hlat nawn in an kah khawh cang lai. An kah mi poah an nganh fawn ti lai lo. Mah le mah bomb puak hnawh aum ve ti lai lo. Gyrostabilization fimthiam nak cu A huam mi zong nih an thiam I biatak tein an hmang mi asi. Hi fimthiamnak in ser mi Rocket cu Liangput Launcher in hmang khawh asi ve. A hmuitinh a nganh ballo mi Rocket asi te lai. Cucu ralkap nih an ṭih bik mi asi caah CDF PDF hna ra lut ṭhan uh tiah a auh hna hi asi.

Phaisa tampi pek riang mang in PDF tampi SAC kut hnuai ah an lut tiah lih in thawng an thanh. Nu le pa le EAOs hna nih an ka chimh caah PDF lut ding ah kan fial hna tiah aa Silhnalh hi asi. Atak tak ti ko lo ahcun: MAH te Rallokap nih an kan ṭih caah asi deuh. .
PDF cu Khuachung ah lut ṭhan uhlaw, ceunak ah hung lut ve uh. PEACE kan tuah hna lai. 2023 thimhnak ah TEITU party cu Uknak kan chanh hrim hrim lai tiah Loudspeaker bak in Khuachung ah an au.

Mandalay, Pale, Myaung le Sagaing ramṭhen ah an au bik. Speaker au tu cu a lai motor in an au. Hnu le hma lei ah Rallokap motor le tank in khat ṭhup in an zulh. A chan cu kan tei ti hna lo ti kha an hngalh cang caah asi. Anmah nih an ti khawh lo hnu ah Kan Pi Suu cu thong inn in a thlah lai I an chimh ter te lai. Ralhrang le Kan Pi Suu biakamnak an tuah lai I, cuticun 2023 thimhnak an tuah men lai tiah zumh cio asi.

Chin Mipi kan thachiah hrim hlah seh. Nihin tiang teinak kan hmuh nak aruang cu Mipi le CDMers nih kan intuar khawh caah asi. Mino fimthiam nak le thluak in can rau lo te ah, Ralhrang MAH te kan thluk bak cang lai. Cu NI cu an ra lio. Tam lo tein hngak ko usih.

Post Views: 70

Tuluk Nih A Uite A Tlawng Lai!!

Be the first to comment

Leave a Reply Cancel reply