Tukum 2022 Hi Rampi Daihnak Kum A Si By Min Aung Hlaing
Myanmar ram chungah Hliamtlai Buaibainak daihter khawh nak hnga ding caah a tak in riantuan khawh nak, tlamtling ter khawh nak hnga ding a herh caah tlangcung hriamnam tlai phu pawl sawmnak cu SAC ralhrang Min Aung Hlaing nih a chim tiah theih a is.
Mah hi tuni April ni 22 zaan lei ah Min Aung Hlaing nih MRTV bai a chimnak ah a chim chih tiah theih a si. ” Tukum 2022 Kum hi ram daihnak kum a si. Myanmar ram chung ah hriamtlai buaibainak daihnak cu tuanvo ka lak lai tiah ka rak chim. Hihi a takin tlamtling ter khawh a herh caah,
Tlangcung hriamtlai phu hruaitu pawl cu hmaitonh biaruah dingin sawm kan duh hna. A tak hrimhrim in ram daihnak kan ser lai” tiah Min Aung Hlaing nih a chim. Mah sawmnak ah tlangcung hriamtlai phu hruaitu pawlin an mah pumpak in ton biaruah a si lai i, SAC ralhrang Palai pawl he tonbiaruahnak ngeih a si lai ti zong in a chim.
Mah ton biaruahnak hi May thla ni 9 ni khi a donghnak ni a si lai i, tlangcung hriamtlai phu pawl he phu chungtel minung pahnih cazin pek ding zongin SAC ralhrang nih a chim.
Haigyikyun Ah Kumtlinglo 3 Tel In Tualchung Mi 15 SAC Ralkap Nih An Tlaih Hna, Ayeyawady ramthen, Ngapuhtaw(ငပုတော) peng Haigyikyun ah ummi Ngapimah(ငါးပြေမ) khuabawi U Zaw Thun (ဉီးဇော်ထွန်း) fimtawl a si hnu ah kum tlinglo minung 3 tel in tualchung mi 15 cu SAC ralkap le palik nih an tlaih hna tiah tualchung mi hna sin in theih a si.
U Zaw Thun thah a ton ni April 19 zaan ah tualchung mi 10 tlaih an si i nihin Aprlil 22 ah minung 5 SAC ralkap le palik nih an tlaih than hna tiah tualchung mi nih an chim. ” Zaw Thun thah a ton nizaan bak ah kum 4 ngakchia pate pakhat, kum 5 nute pakhat le kum 12 nute tel in minung 10 an tlaih hna. Khuami hi lo thlawh in a paw aa cawmmi lawng te an si, Zei hmanh a theithiam rih lo mi ngakchia an tlaih chih mi hna hi cu SAC ralkap pawl hi an sual hringhrang ko tiah tualchung mi pakhat nih a chim.
Palik thawng petu an um ruang ah tlaih an ton hi a si tiah a chim chap.
Taih a tong mi mipi hna hi PDF he pehtlaih an ngei lo tiah khuabawi a fimtawl tu Pathein Western Defense Force (P.W.D.F) rian ngeitu pakhat nih Mizzama ah a chim. SAC uk duhlo langhter nak ah aa tel mi Ngapimah(ငါးပြေမ) khuami cheukhat le tualchung mi hna cu SAC ralkap le palik nih an kawl hna i an tlaih hna caah an kan tlaih than sual lai ti’n tualchung mi hna thinphang in an um.
Leave a Reply