SAC ralkap Pawl Cu An Kalnak Lam Kip In An Bawh Hna I An Thah Thluahmah hna Tuni ah 30 Hrawng An Thah Than Hna

Salingyi pengkulh, Don Taw khuate khua mi minung(11) tuksapur in a that tu hna SAC Uico ralkap pawl cu PDF nih Bomb voi 30 in an puah hnawh hna i a tlawmbik SAC ralhrang 15 an thi tiah PDF Newsflash nih a langhter. SAC ralhrang a thimi zat hi fiang tein thanhnak tuah khawh a si rih lo. A tlambik ah 10 cu an thi ko tiah PDF lei nih an chim bantuk in a dang mithmu tu nih cun SAC ralhrang a thi mi hi 15 cu an si hrim, cu nak zong cun an tam deuh kho an ti ve.

December 8, zinglei suimilam 9:30 hrawngah bomb lung 30 hmanhhnawh in an doh hna caah ralhrang phu minung 10 nak tlawmlo an thi tiah Triple Two phunih cathanh an chuah. Bomb puahhnawh in doh a tongmi ralhrang phu chung in minung 10 leng an thi lai tiah zumh a si, Dungtaw khua caah thisen man lehrulh kan cham tiah Triple Two phu nih cathanh an chuah. Khit Thit Media

CDF- Kanpalat kar Pakun khuapawng ah kahdohnak a chuak. Kaphnihkar kahdohnak cu suimilam 3 hrawngtiang an rau i ralhrang phu lei in minung 7 an thi, minung 6 nih hliamhma an tuar. – Mandalay ramthen Myinchain peng Simikhung khua in a chuakmi ralhrang phu hna motor pakhat le cycle 3 cu Nanhtahlaingkhua le Ngannankhua kar Chawngku) hleidonh ah,.

December 9, zinglei suimilam 8:45 hrawngah mi zapi vengtu ralkap phuli fonh nih bomb puahhnawh in an doh hna caah ralhrang cycle 3 cu a rawk i palik minung 3 cu a hmun ah an thi colh tiah Myaung peng TGR phu nih cathanh an chuah. Cun Kawlin pengkulh, Raldohnak ah a kal mi SAC ralhrang pakhat Na nih a suk i a ril a chuak dih, a hmun ah a thi colh tiah PDF Newsflash nih a tarlangh.

Hi thil hi Kawlin peng ah a cang mi a si i SAC ralhrang pawl cu raldohnak an kal pah, khuate cheukhat an hrawh, an khangh i innlo thilri an fir pah, cun hmun dang lei ah kal ah Na nih ralhrang pakhat cu a suk i a thih hi asi tiah an chim. Cun Mandalay khuapi chung Bomb puahnak ah Ralhrang bawi (Buhmu) pa telh in minung pathum faktuk in hliam an tuar, an nunnak caah thinphang a si tiah DVB nih a langhter.

Bomb a puahnak hmun hi Mandalay khuapi, BEHS No (18) Sianginn pawng ah a si. December 8, 2021 zaan suimilam 8:00PM hrawng ah a si. Bomb a puah tlawmpal ah Police le SAC ralkap pawl nih pawngkam minung pawl check nak biatak tein an tuah nain mizei hmanh lunghrinh mi an tlai kho hna lo ti asi.