TUCHUN NI TIANG IN PATHIAN NIH THIL KHUARUAH HAR A TUAH PENG KO.

Khuahruah thil hi pathian nih a mi hna hmang in a tuahpeng rih ko. A biapi mi cu zumhnak asi. Vawlei cung doctors thiam thiam hna hmanh nih an tuah khawh ti lo mi, an kal tak mi hna minung cungah Pathian nih khuaruah har thil tampi  a lang peng rih ko.

A chuah ka in a mit a caw mi ngakchia nu te cu, a chungkhar hna nih vawlei cung doctors thiam thiam hna sin ah an kal pi , nain dam nak a hmu kho lo. An bei a dongh tuk hnu ah, khrihfa thlacam nak hmun ah an kalpi than. Pastor pa nih a mit a tongh piak I, zesuh min in damnak kan pek tiah ati. Can raulo te ah ngakchia nute cu dam nak a hung hmuh. Hi ngakchia nute a hmuhtu an dihlak in an khuaruah a har dih.

Pathian nih ngakchia nute cung I a riantuan nak thawng in, mi tampi cu an nun an I thleng I, pathian kha an khamhtu le an pathian ah an hungpom. Cu long si lo in, ngakchia nute I a nu le pa hna zong khrihfa ah an han lut ve. Ngakchia nute dam nak ruang ah, an inn chungkhar cu lungrethei le beidong nak chung in an luak. Pathian I bochan cu harsak nak le beidong nak in luat nak hmuh nak asi ti hi, hi hna inn chungkhar in a fiang tak tak ko. A tu cu an dihlak in zesuh hnuzultu tha an si dih cang. Dam na duh taktak ah cun zesuh kha panh ve ko.

Cun a fa nute hi, pathian riantuan ding ah, a nu le pa nih a forhfial I an cawnpiak.  Minung ka takpum cung ah a biapi bik cu mit asi. Cu caah na nun nak a chanh khotu hi khrihfa hna I an biak mi an pathian long asi tiah , a nu le a pa nih an chimh tawn. Ngakchia nute zong cu alom tuk I pathian a thangthat zungzal.

Zumhnak taktak he pathian kan fuhpanh ah cun, pathian nih kan herhmi a kan pek hrim hrim. Bible ca chung zongah a tial mi cu, hal law pek na si lai tiah ati. Minung hna kan bei dong taktak hnu ah Pathian thil ti kawh nak a lang tawn. A chan cu pathian asi hi minung nih thei hna she law, ka bochan hna she ti a duh caah asi. Pathian I bochan cu tei nak asi.

Be the first to comment

Leave a Reply

Your email address will not be published.


*