Mongyua khua ah PK pakhat an kahthah i ralhrang kuttang ah zung a kai rihmi Non CDM paoh kan in tianh dih hna lai tiah Mongyua mipi ralkap phu nih an thanh. September 22 zingka ah Mongyua khua Pyituangsuh lampi le Khuahel lam ai tonnak ah PK pakhat cu a ho ti hngalh lo mi pakhat nih meithal in a kahthah tiah theih a si. Mongyua PDF nihcun hi PK pa hi kanmah thahmi asi i Sipin,Kahngiahnah, Lahwahkah le Ngunkhuai zung telh in ralhrang he pawlkom in zung a kai rihmi hna Non CDM paoh cu kan in thianh dih hna lai tiah catthanh an chuah.
Ralhrang phu nih nawlngeihnak an lak le, Covid rai ruang ah Mon ramkulh chung khualtlawng motor hna cu ngol dih dawh dirhmun kan phan tiah riantlai tu hna nih an chim. Motor hmanmi sii man cu pehtlai in a man an kai, khualtlawng zong an tlawm, thil phorh mi zong a tlawm cang caah a miak um lo in sungh lei panh kan si. ” Atu ah hin kan zal chung phaisa chuah in a hram chuah peng a si, motor a chuak ti nak men khi si ko,caan sau ahcun ngol dih si lai” tiah motor ngeitu pakhat nih a chim. Ralhrang phu hna nih nawlngeihnak an lak hnu liter pakhat ah a hlan nak in 80% leng tiang a kai.
“Voikhat khual kan tlawn ah zeihmanh a tang mi um lo, sii man zong a kai,cun tam deuh cu khual zong an tlawng ti lo,hi ti ning hin cun rian peh a fawi lo” tiah riantlai tu pakhat nih a chim. Khuacaan sining ruangah a rauhhlan ah motor tamdeuh cu an ngol cio cang lai,thil kuat/phorh zong ngol a si cang lai tiah motor khualtlawng riantlai hna nih an chim. Mon ramkulh ah Mawlamyine in hmundang ramkulh le ramthen khualtlawng mi motor line 73 a um. Atu ah tam deuh motor line kal mi hna nih an rian an ngol caah chungkhar eidin herhhai chambau mi a thong leng in an um tiah Than Lwin Times nih a tial.
Leave a Reply