Tuni PDF le CNDF le ralkap an i kap Sagaing ramtthen, Kalay peng thlang lei Chin Sai timi khua ah duh poah in khua an sual hnu ah Thar Si khua in nitlaak lei kap ah kalmi ralhraang pawl cu zanlei suimilam 2:00PM hrawng ah khan Le Ing Suh le Sipingyi timi khua pawng ah PDF Kalay le CNDF nih an tthuat hna. Zanlei suimilam 2:00PM in 4:30PM tiang kaphnih kar ah kah dohnak a chuak,
Tuni an i kahnak ah hin Min Aung Hlaing ralhraang pawl nih bomb kahnak rumro bochan in an hman, PDF-Kalay le CNDA ralkap pawl an pah khawh ti hna lo ruangah Sipigyi khua lei ah bomb kap in Myo Hla le In Dai Kung khua lei ah an kal tthan. Tuni an i kahdohnak ah hin Min Aung Hlaing ralhraang lei in a tlawm bik pa 3 an thi i hlaihma pumi tampi an um, cun PDF Kalay lei le CNDF lei in ralkap pathum hna hliamhma an pu ve.
Thantlang khua tio lan ding cu hohmanh nih kan ruat kho lo. Tantak mi ralhrang le palek cu khuathing an hngak i ziah CDF/CNA nih an tuk cang hna lo tiah kan ti cio. Tu hnasehlaw nawng dih hna seh ti kan duh dih. Asina in ruah ding mi thil a um len.
Ralhrang nih an nawl ngeihnak in Rangoon cu Naypyidaw ah an rak thial. Cun sagiang cu Monywa ah an thial. Daway cu Myeik ah an thial hna i tutiang cu ahmun rih. CDF/CNA nih Thantlang cu tu in tei hna hmanh sehlaw thih lai ekceh tibang khuapi cu vanlawng bomb in hrawh dih lawlaw i khuapi dirthan kho ti hlah seh tiah tuah sual hgna maw ti phan a um ko.Enter
Ralhrang ziacu hohmanh nih kan chim kho lo. Tahchun nak ah Hnaring khua kha penguk khuapi(နှာရိန်းမြို့နယ်)ser in Thantlang hi khuate pakhat bantuk ah acanter khawh mi asiko. Kachin le Karen ram ah hin khua tampi ahrawh i khua an ser than khawh tilo mi aum len. Atu hi ralhrang cozah cu asung cangko. Cozah sinak zung pakhat hmanh acawl kho tilo. Kancawl khawh lo vekvek ah hrawh dih le thialkam in aala sual lai ti phan aum ko.
Cu caah(lawlaw se) tuk i tei nak cun karlak tlangtla tu nih umthut nak tha in tlangtlak ah atha deuh hngamaw kati. Thantlang khua tieolan ding cu hohmanh nih kansiang lo.pathian nih atha bik in lam kanhruai ko seh. Khuacu kan khan kolai dongh nak bia angei tu cu Pathian asi. Rangleng thatha le Rangtum thawngthawng cu teinak silo teinak cu Pathian ta asi. CDF/CNA khuakhan thit hruai nak cu adongh tiang kanzulh/kan ttang kolai. Kantei hrimhrim lai. Salai Maung Maung Salai Mg Mg
Leave a Reply