Training ngolchung In kahdohnak thawk si cang

Mizapi dothlennak ralkap (PRA) hna training peknak cu ngolchung in, kahdohnak kan thok cang lai tiah nihin October 1 ah cathanh an chuah. “Mizapi vengtu ralkap chungah thazaang tamtuk a um cang.Training hon peng a si caah kahdoh vennak a um kho lo, mipi hna nih kan theithiam hram u.Atu ah training peknak cu ngolchung in kahdohnak thok a si cang lai tiah thawngthanhnak ah an langhter.

PRA nih harnak tampi chungin training (no.9) , nu training (no.2), pa ralkap minung 155 le nu ralkap minung 11, ralkap dihlak minung 166 hna cu tlamtling ten training pek khawh an si cang tiah an langhter. Ralhrang uknak an hram in hrawh ding ah PRA cu Palay mizapi vengtu phu(PDF)le Myine mizapi vengtu phu (PDF)cu hmunkhat fonh in dirti mi phukomh an si.

Sagaing ramthen,Khin Oo peng a hnulei Pinthuang khua cu ralhrang hna nih nihin zinglei ah rak lut in an kah hna, an tlaih hna caah khuami hna an zaam tiah khuami hna nih an chim. Zingka tuan te ah Khin Oo lei in a rak phan mi ralhrang hna nih thazaang 30 leng khuachung ah an lut i an kah hna caah kumnga ngakchia pakhat a nunnak liam i cheukhat an tlaih hna tiah theih a si.

Khuami pakhat nih “Zing suimilam 5:30 ah amah cu Pinthuang khua an phan khuami hna cu an zaam i ram lak tiang in an kah hna.Khuachung zong ah an kah hna an tlaih khawh mi an tlaih hna,an khen mi hna zong an um ngakchia pakhat a nunnak a liam tiah theih a si.Khuami hna an zaam i a zaam lo mi cu an tlaih hna,khua chung cu mei in an kangh tiah a chim. DVB