Tottenham Le Aaron Ramsey Cu ??

Tottenham Hotspur nih cun an midfield lei cu bia tak tein ser that an tim, tu tan summer transfer window a on tik ah Juventus midfielder Ramsey cu lak an i tim lai tiah an chim.

Spurs manager Jose Mourinho nih cun Tottenham midfield cu a tu nak tha deuh in ser a duh, cu bantuk ding cun timh tuahnak a ngei lio a si tiah Todofichajes nih a van langter.

Aaron Ramsey hi kum 2019 ah khan Emirates stadium chuah tak in Juventus lei ah free transfer in a tthial, Wales midfielder hi Serie A lei ah cun a duh ning bantuk in a cawlcang kho lem lo.

Ramsey hi a hliam tam ve ngai a duh ning bantuk zong in a cawlcangh kho lo, Juventus caah hin League ah voi 38 lawng a chuih rih. Juventus nih hin Ramsey hi an hman tuk ve lem lo. club dangah a tthial a si zong ah poi an ti lem lo.

Juventus nih Ramsey hi an zuar a si ah cun aman ah 18 million hrawng an hoh zumh a si. Tottenham nih hin Ramsey hi an midfielder Dele Alli thlengtu dingah an duh. Dele Alli zong hi tu tan season chuih dih tik ah cun club dangah a thial zumh a si.

Be the first to comment

Leave a Reply

Your email address will not be published.


*