Moattama Gas Transportation Company Limited (MGTC) ah rian a tuan cuahmahmi ramdang company pahnih TOTAL le Chevron nih cun ralhrang company Myanmar Oil and Gas Enterprise (MOGE) ah covo (share) an pekmi kan phih cang tiah May 26 a an phuan.
Atu bantukin TOTAL le Chevron nih ralhrang covo an phihnak a ruang cu nawlngeihnak an lak i mipi cungah thatlonak tam tuk an tuah caah a si. Moattama Gas Transportation Company Limited (MGTC) ah ralhrang company MOGE nih covo (share) 15% a ngeihmi cu a hmu ti lai lo.
Hi covo phih piaknak hi a liamciami April 1 khan rel a si lai. Moattama Gas Transportation Company Limited (MGTC) ahhin TOTAL nih 31.24%, Chevron nih 28.26%, PTTEP nih 25.5% le MOGE nih 15% tiin covo (share) an ngei cio hna.
Moattama Gas Transportation Company Limited (MGTC) i covo an ngeihmi hi ralhrang nih tangka an hmuhnak nganpi pakhat a si caah atu bantukin TOTAL le Chevron nih an phihmi nih ralhrang hna cawlcanghnak tampi a kham khawh lai.
TOTAL nih cun Myanmar ramlhrang hna cung i EU le US cozah nih dantatnak le phihkharnak an tuahmi poah cu kan zulh dih lai tiah an thanh chap.
The Chin Post
Leave a Reply