Top 4 Ah Um Kan I Tim Cang Ko Hih Tiah Klopp Nih A Chim

Zahan Premier League chuih mi ah Liverpool cu an home anfield ah Manchester City nih fak ngaiin an tei hna Anfield ah 4-1 bak in an sung. Liverpool manager nih cun Top 4 ah um kan i tim tiah a chim.

Liverpool pawl hi nikum Premier League champion an si, tu kum ah hin cun champion dawh an si ti lo ko hih, an manager Klopp zong nih top 4 ah um kan i tim tiah a chim. Manchester City hi Liverpool nak in point 10 in an tam deuh pin ah voi 1 in an chuih tlawm rih. tu tan hi City pawl hi champions dawh an si ko hih.

Klopp nih an sungh hnu ah ma ti hin bia a chim, “Top 4 i um hi kan i tim cem mi a si cang i, cucu fiang ngai in a lang. top 4 ah um dingin chuih ding kan ngei tam ngai rih, teinak hmuh kan herh i asinain City cu kan tei kho rih bak lo tiah a chim.

Liverpool nih hin City lak ah an goalkeeper Alisson Becker ruangah goal 2 bak in an sung, Klopp nih Alisson cawlcangh ningah chim ding ka thei lem lo, amah kha a nervous ve deuh si lai cu tiah a chim.

Be the first to comment

Leave a Reply

Your email address will not be published.


*