Kan Hnu Lei May thla Ni 4/5 chinram kahdohnak kongah mi tampi nih an chim tawn mi Hakha Khuapi in Kalaymyo lei ah a rak zuang mi Min Aung Hlaing ralhrang rual cu Chinram Hriamtlai phu i komh in an kah hna i kanmah Chinram ralkap CDF -Thantlang le CNA ralkap thatha minung 9 an nunnak a liam.
Kha lio kahdohnak kong he pehtlaiin chim ceih a tam ngai mi cu zeiruangah dah kan chin ralkap thatha voikhat ah minung mah vialte an thih, a ruang a um ko lai tiah an zumh cio. Hi kongah hin CNA ralkap sinah aa ap mi Kawl ralkap minung 3 raltuknak ah an i tthit hna i mah hna pathum ruangah a si tiah an chim.
Kawl Ralhrang hna minung 3 CNA sinah a zaam mi hna nih phone in an ralkap hawi pawl an pehtlaih hna caah a si tiah a chim tu an tlawm lo. Ralkap zaam mi minung 3 nih dalaan an tuan caah mah vialte kan chin ralkap thatha an thihnak kha a si ko lai tiah an zumh bik. Kawl ralkap kan sin i a rak i pee mi hna i ralram hrimhrim ah i tthit lo an tha ko.
Kan theih awk cu Kawl ralkap Chinram hriamtlai sin i a ap mi pawl hna hi ralram ah hruai in raltuk pi phung a si lo. Kan pa le zong nih hihi kan ruah awk ah ka duh ngai. Kan sin i aa ap mi ralkap hna hi cu a him nak hmun i chiah i ralram ah kal ter bak lo ding an si.
Tunai Tlangzar kahdohnak i a nunnak aliam mi hna kha ralkap zaam mi CNA ralkap nih an i tthit mi hna ruang a cang tiah kan zumh bik ko. Cu caah hmai lei ah kan i ralring nak caah cang hram seh. Kawl ngian hi kan i zumh a si ahcun kan miphun ning in kan thi kho. CNA camp zong khi kan i ralring lo a si ahcun a laak hmanh an laak te kho mi a si.Crd.. Pu Sui Cem
Relchap, India ram khualipi Delhi ah inn dot 4 pakhat cu May 13 ah a kangh caah minung 27 nak tlawm lo an thi i, 12 hliamhma an pu, tiah Emergency Services ṭuanvo ngeitu pakhat nih a chim. Meikangh hram aa thok ah hin Office chung ah minung 70 hrawng an um i Palik pawl nih thlalangawng an bauh i an va chanh hna. Cu inn kaangmi cu Delhi in a hnulei Mankha vawilei tang tlanglawng dinhnak pawng ah a si i meithat mawṭaw 20 nih an phalh khawh cang. Mei hri a shot ruangah a kaangmi si, tiah theih a si.
Inn kanghnak kong he pehtlai in palik nih minung pahnih an tlaih hna. Inn kanghnak in a thimi hna kong ah India Prime Minister Narendra Modi Ji nih a ngaihchiatnak kong a chim. Cun a thimi hna ca ah minung pakhat dollar 2580 cio kan pek hna lai, tiah a chimchap. Mei cu kan phalh khawh cang ko nain a kaangmi thilri kan fimhlawm hna. A dot hnihnak a kanghmi hna ruak hi a tam bik tiah meithat lei ṭuanvo ngeitu pakhat nih a chim.
Arab sawbua pawl pyidaungsu ‘The United Arab Emirates’ (UAE) president Khalifa bin Zayed Al Nahyan a thihnak kong cu UAE thawngzzamh a si mi, WAM thawngzamh nih thanhnak a tuah. A mah hi a thih ah hin kum 73 a si cang tiah theih a si. ‘ Puanzam le Half a pillar thlah dingah le phung ningin ngaihchiatpinak philhlonak cu ni 40 chung tuah a si lai theih a si.
Pyidaungsu level, hmuhma level a simi vuanci zung, phung ningin phu dirh mi pawl, UN riantuannak zung pawl le company pawl cu a mah philhlonak ngaichiatnak caah nithum chung khar a si lai tiah WAM thawngzamh ah Twitter ah a tial. Cun mah ni 2004 lio in UAE leader si tiah a theih a si. Tu kum a nunnak a liam kum May ni 13, 2022 ah hin kum 73 a si cang tiah theih a si.
Leave a Reply