Zeidah a ruang a si hnga ? zei ruangah dah a thah hnu ah taklong in a chiah I, Athimi a nungak a nu le pa sinah a ruak a va chiah hnga? Hi thil hi a mak ngai ngai mi thil pakhat asi. Hawi mithat hna cu mi nih an kan theih lai I, polices ah complaint an tuahlai ti phang ah, an zam tawn.
A nungak nu hi motor cungah nupatnak a hmangpi hnu ah a thah cawlh. A chan cu a nu ngaknu nih , na fa ka pawi cang , na ka thit a hau tiah , a tlangvalpa cu a hal lengmang. A tlangval pa nih, thitumhpi taktak ding in a rak duhlo. A chan cu a nungak hi fakhat nei nuthlawi asi caah asi. Pa nih a tinhmi cu, mah nu sin in , tangka le cawva lakpiak kha asi. Cu caah Pa nih a nungak cu, na nu le pa sinah ro hal cang hnah, cun an nin pekmi ro vialte kha ka sinah na chiah laitiah ati tawn. Nu nih kan ni nei hnuah, ro vialte cu pek ka si ko lai tiah a ti ve.
Mah ruangah Pa cu a thinhung in a thah nak asi. Cun a thihhnu ah, a ruak cu, taklong bak in, a kalpi I, a nu le pa va pek hna. Nan fanu ro nan pek duhlo caah, ka thah tiah a va ti hna. Na ro maw nan duhdeuh nan fanu dak tiah nu I a nu le pa cu ba hrocer rih hna.
Cun nan fanu ro nan pekding vialte kha keimah ka pedih uh, nan ka peklo cun , a tu nan fanu ka thah bantuk in , nan dihlak in kan thah dih hna lai tiah a hrocer hna.
A tu hi polices hna nih an buaipi lio asi, an tleih khawh ah cun damchung thawngthlak ding in, biakhiah asi te ko lai.
Leave a Reply