Khabib Nurmagomedov cu tu kum chungah Octagon chungah a van kir than kho men chim khawh a si bak lo, Thuatpi awk tlak an um a si ah cun ka van kir than lai tiah a chim.
Lightweight champion Khabib Nurmagomedov nih cun UFC 254 ah Justin Gaethje a tei i, an i thuat dih hnu ah khan mixed martial arts in a din ve colh.
MMA in kan din cang lai tiah a chim thla 3 hnu ah Russian fighter Khabib nih cun Octagon chungah ka van kir than kho men tiah a chim. thuatpi awk tlak an um a si ah cun ka van kir than lai tiah a chim i. Conor Mcgregor le Dustin Poirier cu tu thla January chungah a thua ding an si i, mah hna pahnih ah hin pakhat deuh he i thuat dawh an si ko hih.
Dana White nih tu nai hrawng ah khan Khabib cu bia a ruahpi i, mah hnu ah hin Dagestan fighter nih cun, UFC 257 i lightweight fighter pahnih a thua mi ka zoh hna lai i, an mah nih hin i thuat than cak nak an ka pek a si ah cun ka van kir than lai tiah a ti.
UFC 257 cu January 23 ah hin Abu Dhabi khuapi Eithad Arena ah an ngei lai i, Conor McGregor le Dustin Poirier cu an i thua lai.
Khabib zong nih a zoh ve bak ko lai hih.
Leave a Reply