Thlakhat Hrawng Kahdohnak Ah SAC Ralkap 35 Cu Sniper Kahnak In Thah An Si Cang!

Thlakhat Hrawng Kahdohnak Ah SAC Ralkap 35 Cu Sniper Kahnak In Thah An Si Cang!: Shan- Kayah ramri, PheKone peng le Kayah ramkulh, Pruso peng chung kahdohnak hna ah May 20 in June 15 tiang kahdohnak ah SAC ralkap 35 cu Sniper kahnak in kan fimtawl khoh hna, tiah Central Special Operations phu nih cathanh an chuah.

May 20 ah Phekone khuapi, Moe – Be – Inn nichuahlei, LoiPaw tlangcung pura ah umhmun a khuarmi SAC ralkap sakhan cu Sniper in kah an si i, SAC ralkap 6 an thi. May 21 SiMiLaw( ဆီးမီး‌လေ့ာ) khua um SAC ralkap sakhan cu Sniper in kah an si i, SAC ralkap 4 an thi. May 22 ah LoiPaw tlang ah um mi SAC ralkap hna cu kah an si i SAC ralkap 1 a thi tiah Central Special Operations phu nih an langhter.

June 7 ah SiMiLaw um SAC ralkap sakhan cu kah ṭhan an si i SAC ralkap 6 an thi. June 10 ah LaHey(လဟယ်) khua le LoiMaKo( လွယ်မကူး) tlang ah umhmun khuarmi SAC ralkap sakhan cu kan kah hna i SAC ralkap 8 an thi tiah an langhter. June 11 le 12 hna ah Pruso ( ဖရိုဆို)peng DawNgiKhu( ဒေါညေးခူ) khua ah kahdohnak a chuak i Sniper in SAC ralkap 7 kan kahthah hna tiah an langhter.

Cu kahdohnak hna cu Central Special Operations phu, PDF ṭangrual phu, Kayah mizapi vengtu ralkap phu hna i bawm in kan tuahmi kahdohnak a si tiah an thanh. Cred : The Chin Post

Be the first to comment

Leave a Reply

Your email address will not be published.


*